اؤزگور قادين

آذربايجان قاديني

يئني ايلين آستاناسيندا

+0 به یه ن

 

يئني ايلين آستاناسيندا...

يئني ايل گليرده ،

ائوي – ائشيگي سيلديك سوپوردوك،

شوشه لري پارپار پارلاتديق،

دولابلاري، ايشقابلاري آچيب يئره تؤكدوك، ايشه يارامايانلاري چؤله تؤكدوك .

يئني دوزن وئرديك اوتاقلاريميزا ، بيلديركي كيمي اولماسين دئيه.

بير آياغيميز بازاردا بير آياغيميز ائوده ؛ آپار- گتير ، گؤتور – قوي....

*

چوخ گؤزل، چوخ گؤزل گولوم، دئييشيكليك، يئنيليك نه قدر گؤزل ،

آنجاق بير سورو سورا بيلرمي يم سيزدن اؤزومدن؟

باشيميزداكي توزو – تورپاغي نئيله ديك، سيلليب تميزله يه بيلديكمي؟

دونوخموش ، پاسلانميش دوشونجه لري سوكوب آتديقمي بئينيميزين درينليكلريندن؟

يوخسا يئنه مي بيلديركي كيمي،

اينيشيلكي كيمي ،

مين ايل بوندان قاباقكي كيمي باخيريق دونيايا ؟

پيشير- دوشور؛ ييغ – يغيشدير؛ دوغ – بؤيوت .....

*

هئي ؛

تومروسون تورونو،

بورلاخاتونون قيزي،

زئينب پاشانين باجيسي،

حجرين ، نيگارين باجيليغي ....

سيزينله يم.

گولوم قادينيم سيزينله يم،

يئني ايلين آستاناسيندا،

كؤهنه لري موهوماتي بورمالاييب آتديقيسا،

يئنيلري، بئينيميزه تاخديقيسا،

گؤزلريميزي يويوب سيليب آچديقيسا،

باخماق اوچون يئني بير پنجره تاپديقيسا،

اوندا غورورلا دئيه بيله جه ييك :

ينئي ايليميز قوتلو اولسون

يئني ايلينيز قوتلو اولسون.

آيدا بيات

 

باهار ايامي ديرگلمز ندندير شوره بولبوللر،
مگر دوشموش لطافتدن كؤنوللر شاد ائدن گوللر؟
چيچكلر عطر ساچدي، نازنينلر سئير باغ ائتمز،
آچيلميش گوللري يكسر، پريشان ائتدي غافيللر.
اگر عئشق اهلي ائتمزسه گؤزل مه رولره رغبت،
نه لازيمدير بو زينت ، بو گؤزلليك، بو قرا تئللر؟
كؤنوللر بس نئچين گولزاره باغلانماز بو مؤسيمده،
مگر زنجيري – زولفون آچماميش گولشنده سونبوللر؟
كؤنول غونچه كيمي يوزلرجه غمله، باخ دويونلنميش،
بودور موشكول كي، دؤران ناز ائدير آچيلديقجا موشكوللر.
سويو قوينوندا گولشن بسله يير وار وجهي عيزتله،
كي اوندان ظاهير اولموشدور گؤزلليكلر ، تجموللر.
فوضولي، قورخو چوخدور، رهگذاري – عئشقه دوشمكده،
بو يوللار چوخ آغير يولدور ، گره ك ائتمك تحموللر.