شرقده ايلك اوپئرا يازان بسته كار قادين

شفيقه آخوندووا

شرقده ايلك اوپئرا يازان بسته كار قادين شفيقه آخوندووا 1924-جو ايلده شكيده ضيالي عاييله سينده دونيايا گليب. ايلك تحصيليني شكيده آلميش، سونرا ايسه عاييله سي ايله بيرگه باكييا كؤچه رك تحصيليني بورادا داوام ائتديرميشدير.

ايلك موسيقي تحصيليني آصف زئيناللي آدينا باكي موسيقي مكتبينده تار صينفي اوزره آلان شفيقه آخوندووا داها سونرا آذربايجان دؤولت كونسئرواتوريياسيندا اوزئيير حاجيبيووون رهبرليگي آلتيندا خالق موسيقيسي نين اساسلاريني موكممل اؤيره نيب و محض اونون خئيير دوعاسي ايله صنعتده ايلك اوغورلو آدديملاريني آتيب. 1944-جو ايلده تيفليسده كئچيريلن زاقافقازييا خالقلاري نين دئكاداسيندا بولبولون شفيقه آخوندووانين " رؤيا " ماهنيسيني ايفا ائتمه سي ايسه بسته كاري داها دا روحلانديريب.

بسته كار ماهني يازماق ايله كيفايتلنمه ييب موركب، ائلجه ده چتين بير ژانرا موراجيعت ائديب و شرقده ايلك اوپئرا يازان قادين كيمي تاريخه دوشوب. 1971-جي ايلده " گلين قاياسي " اوپئراسي ايله موسيقي سئورلري واله ائديب. حاضيردا 500-دن آرتيق اثري اولان صنعتكار خانيم هله ده يازيب يارادير.

شفيقه آخوندووا صنعتينده كي اوغورلارا گؤره خالق آرتيستي فخري آدينا و پرئزيدئنت تقاعودونه لاييق گؤرولوب. 2004-جو ايلده ايسه " شؤهرت " اوردئني ايله تلطيف ائديليب.

كؤچورن : آيدا بيات