تاريخي رومانلار مؤليفي

عزيزه جعفرزاده (1921-2003)

مشهور يازيچي ناثير، گؤرکملي عاليم-ادبياتشوناس، ايجتيماعي خاديم عزيزه جعفرزاده 1921-جي ايل دئکابرين 29-دا باکي شهرينده آنادان اولموشدور. او، تئاتر تئخنيکوموندا و ايکي ايلليک موعليملر اينستيتوتوندا تحصيل آلميش، سونرا موعليم کيمي فعاليته باشلاميشدير. 1946-1947-جي ايللرده ائکستئرن يولو ايله آذربايجان دؤولت اونيوئرسيتئتي نين فيلولوگييا فاکولته سيني بيتيرميشدير.

عزيزه خانيم خالقيميزين عادت-عنعنه سيني، خئيري نين، شرعی نين قايدا-قانونلاريني سون درجه گؤزل بيلير، حيات طرزينده ياشادير، تبليغ ائديردي. عزيزه خانيم ادبي فعاليته 16 ياشيندا ايکن حئکايه لر يازماقلا باشلاميشدير. ايلک کيتابي 1948-جي ايلده چاپ ائديلميش، لاکين موسکوانين خوصوصي قراري ايله ساتيشا چيخماميشدان اول قاداغان اولونوب يانديريلميشدير. عزيزه خانيمين نثر اثرلري نين اساسيني تاريخي رومانلار تشکيل ائدير. " ناتاوان حاقيندا حئکايه لر " ، " عالمده سسيم وار منيم " ، " وطنه قاييت " ، " ياد ائت مني " ، " باکي-1501 " ، " گولوستان " دان اؤنجه " ، " صابير " ، " ايشيغا دوغرو " ، " خزرين گؤز ياشلاري " ، " عشق سولطاني " و س. رومانلاري، پووئستلري، حئکايه لري اوخوجولارين درين ماراقلا اوخودوغو کيتابلاردير.

عزيزه جعفرزاده عئيني زاماندا، بير علمي تدقيقاتچي کيمي بير سيرا آشيق و شاعيرلرين اثرلريني توپلاييب چاپ ائتديرميشدير کي، بونلارا " فاطما خانيم کمينه " ، " کؤنول چيرپينتيلاري " ، " آذربايجانين شاعير و آشيق قادينلاري " و س. عاييددير. بو اثرلرين اساس حيصه سيني آنا و قادين مؤعوضوسو تشکيل ائدير کي، بونلار دا عزيزه خانيما رومانلاريندان آز شؤهرت گتيرمه ميشدير.

او، 1981-1989-جو ايللرده رئسپوبليکا قادينلار شوراسي نين صدري وظيفه سينده ايشله ميش، آذربايجان قادين و اوشاقلاري نين حوقوقلاري نين قورونماسي ساحه سينده آکتيو فعاليت گؤسترميش، رئسپوبليکانين ان اوجقار بؤلگه لرينده دفعه لرله اولموش و ميلتين طالعيي ايله باغلي پروبلئملرله تانيش اولموش، بو پروبلئملرين حلل ائديلمه سينده ياخيندان ايشتيراک ائتميشدير.

عزيزه جعفرزاده نين آذربايجان علمي و ادبياتي قارشيسيندا گؤسترديگي خيدمتلر يوکسک قييمتلنديريله رک " خالقلار دوستلوغو " اوردئني و موستقيل آذربايجانين عالي موکافاتي - " شؤهرت " اوردئني ايله تلطيف ائديلميش، " آذربايجان آناسي " و " خالق يازيچيسي " کيمي يوکسک آدلارا لاييق گؤرولموشدور. عزيزه خانيم آذربايجان رئسپوبليکاسي پرئزيدئنتي نين فردي تقاعودچوسو ايدي.

كؤچورن : آيدا بيات