+0 به یه ن
توركيه قادين آشيق لاري : فاطما آراس
1954 ايلينده آراليق-ين يوخاري آراتان كؤيونده دوغولدو. ايلك اؤيرنيميني كؤيونده ايغديردا، اورتا اؤيرنيميني ايزميرده تاماملادي.
آشيقليق گلنگي نين آغير باستيغي بير چئوره ده يئتيشمه سي نين ده ائتكيسي ايله شئعيره كيچيك ياشلاردا ايلگي دويماغا باشلادي. ايلك شئعيرلريني ايلك اوخول دؤنمينده يازدي. آيريجا ميهريبان آراس آراجيليغييلا گلنكسل خالق حيكايه لريني اؤيرندي.
فاطما آراس، مسلك ليسه سيني بيتيرديكدن سونرا بير سوره آلمانيادا ياشادي آنجاق داها سونرا گئري دؤندو. بو دؤنمدن سونرا شئعيرله داها دا يوغونلاشدي. قارشيلاشديغي بعضي شاعيرلر و اوخودوغو كيتابلار آراجيليغييلا اؤزونو گليشديردي.
شئعيرلري بيرچوخ درگي، قزئته و آراشديرمادا آختاريلان فاطما آراسين بعضي شئعيرلري ده دييشيك صنعتچي لرطرفيندن بسته لندي .
فاطما آراسين شئعيرلري نين بير بؤلومو «ساكلي ييم» (2008) آدلي كيتابدا يايينلاندي.
بير اورك
كوسمه مانا عؤمور سئودام اؤلوروم
بير من يانان بير سن يانان بير اورَك
بونجا سنه نه چكديم من بيليريم
بير من يانان بير سن يانان بير اورك
آتش اولسام ياغمورلارلا سؤنريم
دونيا اولسام قوراقليغا دؤنريم
اوچ دئسه لر توپراغينا قوناريم
بير من يانان بير سن يانان بير اورك
دردلريمي سانديقلارا دوريديم
گوزلليگي يوللارينا سريديم
نه اولوردو بير صفاني سوريديم
بير من يانان بير سن يانان بير اورك
بيلييوروم باخيشيمدان آنلادين
گؤزلريمده سون داملايدين داملادين
بيلمم مانا بيلمم كيمه آغلادين
بير من يانان بير سن يانان بير اورك
سون ايشيغي برابرجه سؤندوردوك
سسسيز سسسيز باشيميزي دؤندوردوك
زوردا اولسا بو دويغويو اؤلدوردوك
بير من يانان بير سن يانان بير اورك
زامانسيز قار باشلادي
زامانسيز قار باشلادي جان دولو ايستانبولا
آياز خزانا دوشدو اورادا سولدو گولوم
اويودو قوجا شهير سسسيزليك ياغدي يولا
سئودامين اؤكسوز گولو سني مي بولدو اؤلوم
چوجوقكن اويون سانديق سولارا قوياركن ايز
دليندي گؤك تاباني كؤپوردو سيلدي دنيز
گؤزلريمله چيزديگيم رسيملره دئديم بيز
آلايجي بير آيريليق قيردي قاناديم قولوم
حاياتين پنجه سينده اريدي گئتدي داغيم
صاباحلاري اولمايان گئجه يه قونوق باغيم
يازي قيشي ترس دؤنموش بيلينمز هانگي چاغيم
فيرتينايلا بوغوشان سولارا حسرت چؤلوم
قايناق : اوزانلار بيز
كؤچورن : آيدا بيات
