“For most of history, anonymous was a woman.”

Virginia Woolf

  ويرجينا وولف ، بير چوخ توپلومدا  " آنونيم "  اولاراق آدلانديريلان ادبياتين اصلينده قادينلار طرفيندن اوره تيلديگيني ايره لي سورموشدور .وولف -ون بو ايديعاسي قانيمجا دوغرودور، چونكو اسكي اينگيليس ادبياتينا  باخيلديغيندا قادينلارا  " پاسيف، اوسلو، خانيم خانيمجيق، ائوي نين قاديني "  كيمي  روللار يوكلنديگي گؤرولمكده دير. ادبيات اثرلرينده قادينا  ياراشديريلان بو كودلار قادينلارين آرخاسيني گئرچك حياتلاريندا دا  بوراخماميشدير. اؤرنگين  " ادبياتچيليق "  كيمي پرئستيژلي بير مسلك -  قادينلارين هيستريك، گووه نيلمز و داها آز  " آغيللي "  ياپيلاري گؤز اؤنونه  آلينديغيندا- ارككلره لاييق گؤرولموش؛ كورئر بئل(Currer Bell)، جورج  اليوت(George  Eliot)، جورج ساند(George Sand) كيمي اؤنملي اينگيليس ادبياتي اوستادلاري اركك آدلار  قوللاناراق اثرلريني ياييملادا بيلميشديلر.

  اينگيليس ادبياتي نين عكسينه، اسكي تورك ادبياتي اثرلرينه، اؤزلليكله  دده قورقوت حيكايه لرينه باخيلديغيندا قادينلارين   ارككلردن چوخ داها باغيمسيز داورانا بيلن، كيمي زامان اونلارا اوستون گلن، ساواشچي، جسارتلي و آغيللي كاراكتئرده اولدوقلاري و عاييله لرينه قارشي سون درجه صاديق داورانديقلاري گؤرولمكده دير. محمت كاپلان-ا گؤره، بونون سببي اسكي توركلرين كؤچري ياشانتيلاريدير زيرا كؤچري حياتدا اينسان داييم حركت حاليندا دير، آيريجا كند و شهرلرين  " استاتيك "  ياپيسينا صاحيب دئييلدير و توپلوم  يا دا دين قادينلا اركك آراسينا سيخي بير  " پرده چكمه ميش " دير.

  بو حيات طرزي نين سونوجو اولاراق دا توپلومدا قادينلار و ارككلر اوچون اؤنملي بير دگر و قيستاس(معيار) اولاراق  " قهرمانليق "  -يعني گوج قوووت گؤستريسي- قبول ائديلير. بولنت آري و ارجان كارا تكه ده دده قورقوت حيكايه لرينده  " آلپ قادين تيپي "  اولدوغوندان بحث ائدر. بو كاراكتئرده كي  قادينلار،  " قهرمان " دير،  " چئويك " دير،  " قورخوسوز " دور،  " صاديقدير "  و ائشيني هر تورلو تهلوكه دن قورور.

  كورشات اؤنجول ده  يونگ – ون  ياپديغي  " قادينلارين بيلينج آلتينداكي اركيل يان "  اولان  " آنيموس "  تانيمي يارديمي ايله دده قورقوت حيكايه لرينده سالديرغان و ساواشچي قادينلارين وارليغيني تارتيشميش، بونون سببيني حيكايه لرين اولوشوم دؤورونده كي  آتلي-كؤچري كولتورونون گتيرديگي چتين ياشام قوشوللارينداكي حياتدا قالما دورتوسونه باغلاميش، آيريجا قادينلارين  " ايده آل  ائش "  و  " ايده آل آنا "  اولاراق تانيملانا بيله جكلريني بليرتميشدير.

  گئنل اولاراق دده قورقوت حيكايه لرينده كي  قادينلارين يوخاريدا سؤزو گئچن  " آلپ قادين تيپي "  و  "ايده آل ائش و آنا "  تانيملارينا پارالئل اولاراق گوجلو اولدوغو و ساواشچي، ارككسي ساييلابيله جك  "آنيموس "  اؤزلليكلر داشيديغي، ارككلردن باغيمسيز داورانا بيلديكلري، ارلريني، اوغوللاريني قورويوب قوللاديقلاري و اونلارا هر زامان صاديق اولدوقلاري سؤيلنه بيلير. 

  دده قورقوت حيكايه لري نين قام بوره بَي اوغلو بامسي بيرك و قازان بَيين اوغلو اوروزون توتساق اولماسي حيكايه لرينده كي  قادين كاراكتئرلر باني چيچك و بويو اوزون بورلا خاتون دا باغيمسيز گوجلو و صاديق اولوب ساواشچي اؤزلليكلره صاحيبديرلر و ايگيدليكلريني گركديگينده عاييله لريني قورتارماق اوچون ده گؤسترميشديرلر.

  ايلك اولاراق، قام بوره بَي اوغلو بامسي بيرك حيكايه سينده يوخاريدا بحث ائتديگيم  " آنيموس "  اؤزلليكلره صاحيب، گوجلو قوووتلي و ساواشچي قادين كاراكتئره اؤرنك اولاراق باي بيجانين قيزي باني چيچك اولاراق گؤستريله بيلير. باني چيچك اؤزونو گؤرمه يه گلن بامسي بيركدن ايلك باشدا كيمليگيني گيزله ميش، اونون ساواشچيليغيني تئست ائتمك اوچون اونونلا آت تپميش، اوخ آتميش و گولشميشدير. گئرچكده كيم اولدوغونو بامسي بيرك بو تئستلردن گچيب اؤزونو يئنيجه سؤيله ميشدير.

بو اولاي، باني چيچكين بير  " اركك قوووتييله "  باشا چيخا بيله جگيني گؤسترمه سي نين يانيسيرا، اونون بير ارككدن ايلك اؤنجه  " ايگيد " ليك بكله ديگيني گؤسترمه سي يؤنويله ده اؤنملي دير زيرا اؤزوده ان آز ارككلر قدر  " ايگيد " دير. آيريجا بامسي بيرك باباسينا اونا آلماسيني ايسته ديگي تعريف ائدركن  " من يئريمدن قالخمادان او قالخسين من قارا قوچ آتيما مينمه دن او مينسين، من دوشمانا وارمادان او مانا باش گتيرسين. "  دئمه سي بامسي بيركين باني چيچكي ان آز اؤزو قدر  " اركك و ايگيد "  گؤردوگونون، باني چيچكين ده يونگ -ون آنيموس تانيمينداكي قادين تيپينه بنزه ديگي نين بير قانيتيدير. باني چيچكين ساواشچيليغينا و ايگيدليگينه ائك اولاراق اونون  " ايده آل ائش "  باغلامينداكي  "صاديق " ليك اؤزل ليگيندن ده بحث ائتمك مومكوندور. بامسي بيرك اوزان قيليغيندا باني چيچكين چاديرينا گلديگينده اونو عاييبلاميش، بونون اوزرينه باني چيچك ده بامسي بيركين بيله سينه وئرديگي اوزوگو هله ده ساخلاديغيني گؤسترميشدير. آيريجا  " دلي "  اوزانا بئله جواب وئرميشدير: 

   " بيرك گئده لي بامبام تپه نين باشينا چيخديغيم چوخ 

  قارغي كيمي قارا ساچيمي يولدوغوم چوخ

  گوز آلماسي كيمي آل ياناغيمي ييرتديغيم چوخ 

   " گئتدي گلمز بَي ايگيديم، خان ايگيديم بيرك "  دئيه آغلاديغيم چوخ. " 

  گؤرولدويو كيمي باني چيچك چوخ گووه نيلير بير كاراكتئردير، بيركي صبرله بكله ميشدير و اونوتماميشدير. 

  قازان بَيين اوغلو اوروزون توتساق اولماسي حيكايه سينده كي  بويو اوزون بورلا خاتون دا سؤزونو ائتديگيم گوجلو و ساواشچي قادين تيپينه وئريله بيله جك ايكينجي اؤرنكدير. بورلا خاتونا  " بويو اوزون"  دنمه سي تصادوفي دئييلدير زيرا بويو اوزون بورلا خاتونون مزاري قيرخ آدديمدير و شجره-اي تراكمه ده ده بورلا خاتون  " بويو اوزون "  اولاراق آنيلماقدادير.

  بورلا خاتونون  " قيرخ آدديمليق مزار " اي اؤنملي ارككلر اوچون دگرلي و گركلي بير قيستاس اولان فيزيكسل بويوكلوگون اؤنملي قادينلار اوچون ده گئچرلي اولدوغونون بير قانيتيدير. دده قورقوت حيكايه لرينين سؤزونو ائتديگيم قيسميندا بويو اوزون    بورلا خاتون آخيندان دؤنن اري قازانين يانيندا اوغلو اوروزو گؤرمه يينجه قازاني بئله تهديد ائتميشدير: 

   " يوخسا قازان، آياغيمدان چيزمه مي آتاييم مي؟ 

  قارا ديرناغيمي آغ اوزونه چالاييم مي؟ 

  گوز آلماسي كيمي آل ياناقلاريمي ييرتاييم مي؟ 

  اوغول اوغول دئييب اينله يه ييم مي؟ "

  بويو اوزون بورلا خاتونون ارينه اولان بو تهديدي گركديگينده ارينه قافا توتابيله جك جسارتي گؤسترديگي نين قانيتيدير. بونا ائك اولاراق، بويو اوزون بورلا خاتونون اري قازان بَي اوروزون آردينا دوشوب كافير اؤلكه سينه گئديب دؤنمه مه سي اوزرينه اونلارا يارديما گئديشي بئله آنلاتيلماقدادير:  " بويو اوزون بورلا خاتون اوغلانجيغيني آنينجا يئرينده دوراماز اولدو. قيرخ اينجه بئللي قيز اوغلانييلا قارا آيغيريني چكديردي، همن ميندي، قارا قيليجيني قوشاندي. 

   " باشيمين تاجي قازان گلمه دي،  دئيه ايزيني ايزله دي گئتدي. "  بو ايفاده دن ده آنلاشيلاجاغي كيمي، بويو اوزون بورلا خاتون    دا قام بوره بَي اوغلو بامسي بيرك حيكايه سينده كي  باني چيچك كيمي ياخشي آتا مينمكده و جسارتلي بير شكيلده ساواشا بيلمكده دير. بويو اوزون بورلا خاتون  " كافيرين توغونو فيليجلاميش، يئره آتميش " دير، ديگر اوغوز بَيلرييله برابر اري قازاني و اوغلو اوروزو قورتارميشدير. ديققت چكيلمه سي گركن بير ديگر نوكته دا بويو  اوزون بورلا خاتونون ساواشا  " قيرخ اينجه بئللي قيزاوغلاني "  (باكيره)  قاتيلماسيدير. بو دا ساده جه بَي  خانيملاري كيمي اؤنملي قادينلارين دئييل، خيدمتكار قادينلارين دا آنيموس اؤزلليكلر داشيديغي نين گؤسترگه سي اولاراق گؤستريله بيلير. 

  بويو اوزون بورلا خاتونون وورغولانماسي گركن بير ديگر اؤزلليگي ده هم ايده آل ائش هم ده ايده آل آنا اؤزلليكلريني داشيماسي و ساواشچي گوجونو بو يؤنده قوللانماسيدير. اوغلو اوروز باباسييلا برابر گئتديگي آخيندان گلمه يينجه اوروزون هارادا اولدوغو دردينه دوشموش، ارينه بد دوعالار ساوورموش، آللاها يالوارميش و اوغلونو قاچيران كافيرلرين  " دامارلاريني قوپارتديرماغي "  گؤزه آلميشدير. بورلا خاتونون قازان بَيين آرديندان ساواشا گئتمه سي، قازان  بَيدن  " باشيمين تاجي "  دئيه بحث ائتمه سي ده ارينه اولان صداقتي نين گؤسترگه سي اولاراق گؤستريله بيلير. سونوجدا بويو اوزون بورلا خاتون چئويكليگي، جسارتي، گوجو ايله عاييله سيني و دؤولتيني آياقدا توتماغي باشارميش ليدئر كاراكتئرلي، قورخماز بير    قاديندير. قام بوره بَي اوغلو بامسي بيرك و قازان بَيين اوغلو اوروزون توتساق اولماسي حيكايه لرينده كي  قادين كاراكتئر باني چيچك و بويو اوزون بورلا خاتون قارشيلاشديريلديغيندا ايسه بويو اوزون بورلا خاتونون جسارت و ساواشچيليق باخيميندان داها اوستون اولدوغو گؤرولمكده دير. بويو اوزون بورلا خاتون اوغلو اوروز و اري قازان بَي توتساق اولدوغوندا قيرخ اينجه بئللي قيز اوغلانييلا آيغيرينا مينيب قيليجيني قوشانيب اونلاري قورتارماغا گئتميشدير و كافيري يئنميشدير. آنجاق بامسي بيرك باني چيچك ايله گيرجگي گردك گئجه سي اسير آلينديغي سيرادا باني چيچكين هرهانسي بير ساواشچي اؤزل ليگي گؤرونمه مه مكده دير. باني چيچك  " قارالار گئييب آغ كافتانيني چيخارميش، گوز آلماسي كيمي آل ياناغيني چكيب ييرتميش و آغلاييب سيزلاميش " دير. بامسي بيركين توتساق اولدوغو اون آلتي ايل بويونجا اونا صاديق قالماسينا و اونون وئرديگي اوزوگو ساخلاماسينا  باخماياراق بورلا خاتونا بنزر بير قورتارما چاباسي ايچينه گيرمه ميشدير.  باني چيچك كاراكتئري نين، بو آشامادا آنيموس اؤزلليكلريني ايتيرديگي سؤيله نه بيلير. بامسي بيرك ايله ائولنمه دن اؤنجه آتا مينن، اوخ آتان، گولَشن ساواشچي باني چيچك، بامسي بيرك توتساق ائديلديكدن سونرا ساده جه ياس آشاماسيندا قادينلاردان بكلنن عادتلري يئرينه گتيرميش، پاسيف بير رولا بورونموشدور. بونون سببي باني چيچكين هله   " مورادينا ائرمه ميش "   يعني باكيره اولماسيندان، دولاييسييلا دا اوشاق صاحيبي اولماماسيندان، بير باخيما  " توي " لوغوندان قايناقلانير اولابيلير. چونكو او دؤنمده اوشاق صاحيبي اولمانين قادينلار اوچون بؤيوك بير مزييت ساييلديغي بيلينمكده دير. بويو اوزون بورلا خاتون ايسه آديندان آنلاشيلاجاغي اوزره  " خاتون " دور، داها تجروبه ليدير و بير  " اوغول "  بؤيوتموشدور. بو اوزدن ده داها آكتيف بير رول اوينايابيلمكده و قرارلاريندا داها اؤزگور داورانابيلمكده دير. گئنل اولاراق، باني چيچكين بامسي بيرك توتساق ائديله نه قدر ساواشچي و جسارتلي اولدوغونو آنجاق سونراكي قيسيمدا بو اؤزلليكلري آدينا بير شئي قالماديغي سؤيله نه بيلر. بونا قارشيليق، بويو اوزون بورلا خاتون جسارتي و ساواشچيليغي سايه سينده عاييله نين اركك اويه لريني قورتارميشدير. 

  سونوج اولاراق، دده قورقوت حيكايه لرينه باخيلديغيندا قادينين ارككدن چوخ داها باغيمسيز داورانا بيلن، حتي اونلارا اوستون گله بيلن، ساواشچي، جسارتلي، چئويك و آغيللي اولدوقلاري و سون درجه صاديق داورانديقلاري گؤرولمكده دير. دئييشيك آراشديرماجيلار بو قادين كاراكتئرلره  " ايده آل ائش و آنا "  و  " آلپ قادين تيپي "  آدلاريني وئرميشديرلر. دده قورقوت حيكايه لرينين قام بوره بَي اوغلو بامسي بيرك و قازان بَيين اوغلو اوروزون توتساق اولماسي حيكايه لرينده كي  باني چيچك و بورلا خاتون دا  " آلپ قادين تيپي " نه و  " ايده آل ائش و آنا "  قيستاسلارينا پارالئل اولاراق ساواشچي و صاديق كاراكتئرلردير آنجاق بورلا خاتونون باني چيچكدن داها فازلا آنيموس اؤزلليكلر داشيديغي سؤيله نه بيلر. 

    كؤچورن : آيدا بيات