يازان:  سيبل بايرام

كؤچورن : آيدا بيات

قادين؛ كيشي كيمي اينساني بير وارليق اولدوغو حالدا، تاريخ بويونجا چوخ فرقلي اولاراق آلقيلانميش و فرقلي تارتيشمالارين قونوسو اولموشدور. قادينا اولومسوز بير آنلام يوكله مك تاريخسل بير آنلاييشين ايپ اوجلاريني وئرير. تاريخ بويونجا بيرچوخ كولتور و گلنكده كيشي هر زامان اؤزنه، قادين ايسه اونا باغيملي بير وارليق اولاراق گؤرولموشدور. بو چاليشمادا اؤنجه تاريخ بويونجا قادينين يئري ايرده لنه جك، داها سونرا تورك ادبيياتيندا دييشن قادين ايمگه سينه يئر وئريله جكدير.  

  آچار سؤزلر: قادين، قادين حاقلاري، فئمينيزم، تورك ادبيياتي، باتيليلاشما 

  گيريش  

  قادين ندير؟ قادين تاريخ بويونجا نئجه آلقيلانميشدير؟ كيشي اوچون قادين نه ايفاده ائدر؟ قادين اؤزونو نئجه تانيملاماقدادير؟ قادين، تاريخ بويونجا بو وب. سورولار اطرافيندا تارتيشيلميشدير. زامان زامان قادين و كيشي آراسيندا بيتيب توكنمه ين بير چكيشمه يه دؤنوشن بو تارتيشمالارين ندني و سون بولوب بولماياجاغي دا ماراق اويانديرماقدادير. قيساجاسي، ‘قادين’ كلمه سي نين قوللانيلماسييلا بيرليكده جوابلانديريلماسي گركن بيرچوخ سورو قارشيميزا چيخماقدادير.  

  قادين؛ كيشي كيمي اينساني بير وارليق اولدوغو حالدا، تاريخ بويونجا چوخ فرقلي اولاراق آلقيلانميش و فرقلي تارتيشمالارين قونوسو اولموشدور. قادينا اولومسوز بير آنلام يوكله مك تاريخسل بير آنلاييشين ايپ اوجلاريني وئرير. بوگون ده گونلوك ياشامدا ‘قادين اولدوغونوز اوچون بئله دوشونورسونوز’ سؤزونو سيخ سيخ دويماقداييق. تاريخ بويونجا بيرچوخ كولتور و گلنكده كيشي هر زامان اؤزنه، قادين ايسه اونا باغيملي بير وارليق اولاراق گؤرولموشدور. مثلن، ميچئلت ‘قادين بو باغيملي وارليق…’ دئير. ‘افلاطون، تانرييا اؤنجه اؤزونو كؤله دئييل ده اؤزگور بير اينسان، سونرا دا قادين دئييل ده كيشي ياراتديغي اوچون شوكر ائتمكده ايدي.’ (دوبوار، 1980:25) قادين گونوموزه قدر بير چوخ توپلومدا داييمن داها ائديلگن بير ياپييا صاحيب اولموشدور. بو بيزيم توپلوموموز اوچون ده بئله دير. اؤزونو كيشييه باغلي حيس ائدن قادين گئنلليكله چئوره دن آلديغي ديرئكتيفلر يؤنونده حركت ائدر.  

  قادين مسله سيني، گونوموزه قدر بير بوتون اولاراق اله آلان اينجله مه چاليشماسي چوخ ياپيلماميشدير. گونوموزده ده قادين اوزرينه بيرچوخ آراشديرما ياپيلماقدا و بو چاليشمالاري دا گئنلليكله قادينلار يوروتمكده ديرلر. آنجاق، هر بير چاليشما قادينين ساده جه بير يؤنونو اينجله مكده دير. بو دا چاليشمالارين اسكيك قالماسينا يول آچابيلمكده دير. بو چاليشمالاردا قادينلا ايلگيلي فرقلي تانيملامالار گتيريلمكده، فرقلي قادين تلقي لري قادينا داياتيلاراق قادين دا بونا اينانديريلماقدادير.  

  مودئرن دؤنملرده قادين قونوسويلا ايلگيلي تارتيشمالارين ‘فئمينيزم’ قاورامي اطرافيندا دويونلنديگي گؤرولور. ‘فئمينيزم’ سؤزجوگو فرانسيزجايا 1837دن سونرا گيرميشدير. روبرت سؤزلوگو، بو سؤزجوگو ‘قادينلارين توپلوم ايچينده كي  رولونو و حاقلاريني گئنيشلتمگي اؤن گؤرن بير دوكترين اولاراق تانيملانماقدادير.’(ميچئل، 1993:9) فئمينيزم كلمه سي، عئيني زاماندا قادينلارين حاقلاري نين داها گئنيشلتيلمه سي اوچون ياپيلان ائيلملري ده ايچه رير. فئمينيستلر جينسييت چيليگه قارشي چيخارلار. ‘جينسييت چيليك’ قادين جينسينه قارشي اويغولانان آييريمجي بير توتومدور.(ميچئل، 1993:9) جينسييت چيليك ‘fallokrasinin’ دوغوردوغو بير سونوجدور. فاللوكراسي ايسه: 20. يوزايل اورتالاريندا اورتايا چيخميش، كيشيلرين قادينلار اوزرينده كي  اگمنليگيني ايفاده ائدن ايسم’ (ميچئل، 1993:10) اولاراق تانيملانماقدادير. بو دا فرقلي چاتيشمالارين اوداغيني اولوشدورور. ‘تاريخ كيتابلاري نين چوخ سؤزونو ائتمه ديگي بير ساواش ديققتيميزي چكمكده دير. ائله بير ساواش كي قادينلار و كيشيلر آراسيندا گئچميشدير. چوخ اسكي زامانلاردان بري اورتاليغي بيربيرينه قاتاراق سانكي گيزلي ساخلي بيلينج آلتيندان سوردوره گلميش اگمنليگي كيمي زامان كيشيلرين اللرينه تسليم ائتميشدير.’ (گرابر، 1998:15)

  تاريخ بويونجا قادين 

  تاريخ بويونجا قادينلارين توپلومداكي اؤنمي چوخو زامان گؤز آردي ائديلميشدير. بونونلا بيرليكده توپلومون دييشمه سينده و گليشمه سينده قادين اؤنملي بير پايا صاحيب دير. قادينين توپلومداكي دييشيميني گؤره بيلمك اوچون تاريخ اؤنجه سينه قدر گئتمك گره كير. تاريخين ايلك دؤنملريندن بيري اولان پالوليتيك دؤنمده توپلوملارين حيات طرزي اووچولوق و توپلاييجيليقدير. قادينلار داها چوخ توپلاييجيليقلا اوغراشيرديلار. بونونلا بيرليكده كيشيلرله بيرليكده اووا دا گئدرديلر. بو دؤنمده اينسانلار دوغايلا اويوم ايچينده ياشاماقدايديلار. بو دؤنمده آنا اركيل توپلوملار مؤوجوددور. قادينلار قبيله لر آراسيندا بير باريش آندلاشماسي اولاراق آلينيب وئريليردي. ياپيلان بو ائوليكلرله قبيله لر آرسيندا ايتتيفاق قورولوردو. ‘پالوليتيك چوخو گؤچَبه توپلولوقلاريندا جينسلر آراسينداكي ايش بؤلومو (اووچو كيشي، توپلاييجي و زامان زامان اووا گئدن قادين)، ايش بيرليگينه دايانير، كيشي و قادينلارين اوتوردوقلاري يئرلر آيريدير و سوي همن هر زامان هم قادين، هم ده كيشيدن اولماق اوزره ايكي چيزگيدن دوام ائدر.’(ميچئل، 1993:20) 

  داها سونراكي دؤنمده ايسه تئكنيك بير دئوريم گئرچكلشدي. قادينلارين توپلومداكي يئرلري دييشدي. سابان، سو و روزگار دگيرمانلاري ايجاد ائديلدي. ‘تاريمسال اوره تيمي ياپان كيشي اولاراق كيشي، قادينين يئريني آلدي؛ كيچيك باخچالارين يئرينه تارلا گئچدي، قادينين چاپاسي يئريني كيشي نين سابانينا بوراخدي’ (ميچئل، 1993:23) بئله جه قادينلارين استاتوسو دا دييشدي. 

  آوروپادا 11. يوزايله گلينديگينده كيليسه ده رئفورملار ياپيلير. قادينلار كيليسه ده كي گؤره ولريندن اوزاقلاشديريليرلار. اسكي دؤنملره گؤره ايقتيصادي، سياسي، ديني يؤندن اسكي گوجلريني ايتيريرلر. بو دؤنمده قادينلار بويوجولوكله سوچلانيرديلار. كيليسه طرفيندن يوروتولن دعاوالاردا، انگيزيسيون محكمه لرينجه بويوجو اولماقلا سوچلانان اون مينلرجه قادينين يانديريلماسي قراري چيخدي. قادين توپلومسال استاتوسونو و دگريني بوتونلوكله ايتيرمه يه باشلار. داها اؤنجه ائولي بير قادين ائشي اوزاقدايكن اونون يئريني آلما حاققينا صاحيبدي. 14. يوز ايله گلينديگينده قادينلار بو حاقلاريني دا ايتيريرلر. بو ايتكيني قوللانابيلمك اوچون قادينين محكمه يه باش وورماسي گركمكده ايدي. داها سونراسيندا ايسه قادينين توم حاقلاري اليندن آلينير. 16. يوز ايلده، پاريسده حاضيرلاتيلان ‘پاريسليلرين عاييله دوزه ني’ آدلي بير ال كيتابيندا قادينلارين تك گؤره وي نين ائشلري نين راحاتيني ساغلاماق اولدوغو بليرتيلير. آوروپادا قادينلارين توم بو حاقلاري نين قيسيتلانماسينا قارشين قادينلارين ديرنمه سي دوام ائدر. كاستيليالي ايزابئل، ايسپانياني ائشي نين يارديمي اولمادان بيرلشديرمه يه چاليشدي و يارديمجيلارييلا ماناستيرلار، خسته خانالار، اوخوللار آچدي. رئفورم حركت لرينه دستك وئرن قادينلارين ساييسي كيشيلرينكيندن چوخ ايدي. قادينلار ائشيدسيزليگه قارشي چيخديلار. آمريكا كولونيلري نين يؤنتيجيلري آوروپاداكيلارا گؤره داها اؤزگورلوكچودولر. بو اوزدن قادينلار آمريكايا گؤچ ائتمه يه باشلاديلار. 18. يوز ايلده قادينلار چاريچه 2. كاترينا اؤرنگينده اولدوغو كيمي اؤلكه يؤنتيمينده ائتكين اولدولار. ماري واللستونقرافت (Mary Wallstonecraft)1792ده ‘قادين حاقلاري نين دوغرولانماسي’ آدلي بير دئنمه يازدي. بو يوز ايلده فئمينيست حركتلر ديگر ايللره گؤره داها چوخ آرتدي. ژ.ژ روسو(J.J Rouseau) كيمي آيدينلار قادينين اؤزگورلشمه سييله توپلومون اؤزگورلشه جگيني ساووندولار. 1848 دئوريميندن سونرا قادينلارين ائكونوميك حياتداكي طلب لري آرتدي. قادينلارين چاليشما ساعاتلاري آزالديلدي. بعضي سنديكالار قادينلارين چاليشما حياتلارينداكي حاقلاريني قيسيتلاماغا چاليشديلار. آنجاق سنديكاچيلارين بو جينسييت آييريمجيليغي قادينلاري قورخودا بيلمه دي. قرئولر ياپديلار، حاقلاريني سونونا قدر ساووندولار. قادينلار كيشيلرين سنديكالاري ايچينده اؤز سنديكالاريني قوردولار. 20. يوز ايله گلينديگينده باتيلي فئمينيستلرين بللي باشلي ايستكلري بولونماقدايدي. قادين ايله كيشي آراسينداكي فرقين جينسييتدن دئييل آلديقلاري اَئييتيمدن قايناقلانماسي گركديگيني، قادينين سيياسال و ائكونوميك حاقلاري نين اولماسيني، 1870ده دئموكراسي نين، دموكرات قادينلاري حئسابا قاتماديقلاري اوچون گئچرليليگيني ايتيرديگيني ساوونورلار.  

1. دونيا ساواشي سيراسيندا قادينلارين اوي حاققي 21 اؤلكه ده تانيندي. اولوسلارآراسي قادين كونسئيي و بو دؤنمده قادينلارين سياسي حاقلاريني الده ائدبيلمه سي اوچون قورولان اوي حاققي بيرليگي قورولوشلاري؛ قادينلارين چاليشما حياتلاري نين دوزلتيلمه سي، ائوليليك  قيز اوشاقلاري نين قورونماسي، ائولي قادينين سوي آديني قوروماسي كيمي قونولاردا موجاديله اائتديلر.  

  دونيادا بو گليشمه لر اولوركن عوثمانلي توپلوموندا قادين ايله ايلگيلي نه تور چاليشمالار اولدو؟ 19. يوز ايلده عوثمانلي ايمپاراتورلوغوندا باتيليلاشما حركتلري باشلاميش و باتي توپلوملارينا اؤرنك اولاراق بعضي يئني ليكلر ياپيلميشدير. قادينين اؤزگورلشمه سي قونوسوندا چاليشمالار سورعت لنميشدير. ائوليليكده ائش سئچمه، تك ائشليليك، قادين گئيسيلري نين دييشديريلمه سي كيمي گليشمه لر بو دؤنمده گؤرولور.  

  عبدالعزيز دؤنمينده قيزلار اوچون اؤيرتمن اوخولو قورولدو. آنجاق توم بو گليشمه لر عوثمانلي ايمپاراتورلوغونون توم دابانينا ياييلماييب ساده جه اوست كسيميني ائتكيله ميشدير. توپلومون بؤيوك چوخونلوغو گلنكسل ياپيني دوام ائتديرمكده ايدي. عوثمانلي ايمپاراتورلوغونون اوست صينيفينا عايد اولان قادينلار ايسه باتيدا گؤردوكلري كيمي داها اؤزگور بير اورتام ايسته ميشديرلر. مشروطييتين اعلانيندان سونرا داها رسمي آدديملارين آتيلديغي گؤرولور. قادينلارين ائييتيميني گليشديرمك اوچون درنكلر قورولدو. اؤزلليكله خاليده اديب آديوارين باشقانليغيندا چاليشان ‘تعالي نيسوان’ (قادينلارين يوكسلمه سي) درنگي بيرچوخ آلاندا چاليشمالار يوروتمه يه باشلادي. بيرينجي دونيا ساواشيندان سونرا ايسه قادينلار ايش حياتينا آكتيف اولاراق قاتيلماغا باشلاديلار. اورفا، آنكارا، قونيا و آيديندا چشيدلي ايش يئرلرينده قادينلار ايستيخدام ائديلمه يه باشلاندي. 

  عوثمانلي ايمپاراتورلوغونون چؤكوش سوره جي قادينلارين اؤزگورلشمه سوره جيني ده ائتكيله ميشدير. بو دؤنمده معاريف ناظيري علي كمال طرفيندن، ايستانبول دارولفونوندا فلسفه فاكولته سينده قادينلارا اؤزگو درسلر باشلاتيلديغي گؤرولور.  

  ايشغال ايللرينده آكتيف بير قادين تيپي قارشيميزا چيخار. يونانليلارين ايزميري ايشغالي قادينلاري دا حركته گئچيرميشدير. خاليده اديپ آديوار، مونوور سامي ميتينگلره قاتيلميشديرلار. آيريجا قووا-اي ميللييه حركتلرينه دستك وئرميشديلر. قورولان ايلك تورك بؤيوك ميلت مجليسي قوووتلر بيرليگيني اؤنريردي. اؤلكه بير مجليس حوكومت طرفيندن يؤنتيليردي. مجليسده هر نه قدر پارتيلر يوخسا دا ايكي قروب واردي. بو ايكي قروب قادينلارين حاقلاريني آلمالاري قونوسوندا زامان زامان قارشي قارشييا گليرديلر. تونالي حيلمي بي، قادينلارين حاقلاريني آلمالاري گركديگيني ساوونوردو. ايلك مجليسده زامان زامان بو مينوالدا تارتيشمالارا شاهيد اولونموشدور.  

  ساواشا دايالي اولاغان اوستو دوروم اورتادان قالخينجا، ميللي موجاديله نين آكتيف دستكچيسي قادينلار تكرار ائوينه دؤنر. بونونلا بيرليكده اعلان ائديلن جومهورييت قادينين استاتوسوندا كؤكلو دييشيكليكلري برابرينده گتيرير. جومهورييتين اعلانييلا قادينين قانون اؤنونده ائشيد اولابيلمه سي اوچون ياسالار چيخارديلميشدير. پوليقامي ائوليليك تورونه سون وئريلميش، قييافت آلانيندا يئنيليكلر ياپيلميش، قادينا سئچمه سئچيلمه حاققي تانينميشدير. ايسوئچره مدني قانونونون قبول ائديلمه سي بو نوكتادا اؤنملي بير آدديم اولاراق گؤرولور. يئني ياسا ايله تك ائشليليك گتيريلميش، قادينا بوشانما قونوسوندا ائشيد حاقلار ساغلانميشدير. اوشاغين باخيمي هم آنا يه هم ده بابايا وئريلميشدير. 1930 و 1934ده توركييه، اورتادوغو اؤلكه لري آراسيندا قادين وكيشي ياسالار اؤنونده ائشيد توتان تك اؤلكه دير. او دؤنمده هيتلئرين آلمانياسيندا ايسه قادينلا ايلگيلي اوچ ‘k’ اؤن پلانا چيخار. مطبخ،كليسه ،اوشاق (kinder, kirche küche)

1946. دا چوخ پارتيلي حياتا گئچيلديكدن سونرا و يئني اورتا صينيفين آرتان نوفوذو ايله توركييه نين ائكونوميك ياپيسي بؤيوك اوراندا دييشميشدير. ائكونوميك ياپيدا دؤولتچيليك ايلكه سي يئرينه اؤزل گيريشيم دستك گؤرمه يه باشلادي. ايچ گؤچ آرتدي. دنيز كاندييوتي، بونون سونوجوندا آ) گؤچبه ب) قيرسال ج) دييشن د) قصبه ائ)يئني شهرلشن گئجه قوندو ف) شهرلي، اورتا صينيف مسلك صاحيبي اولماق اوزره آلتي تيپ قادين اورتايا چيخديغيني ايفاده ائدر.  

  شهري اورتا صينيف قادينلاريندا اوجرتلي قادين ايش گوجو سوركلي اولاراق بير آرتيش گؤسترمكده دير. صنعت سكتؤرونون يانيندا، قامو يؤنتيمي آلانيندا دا قادين اؤزونو گؤسترمكده دير. گونوموزده قادينلارين عاييله يه ايكينجي گلير قازانديرماق اوچون چاليشماق زوروندا قالديغي گؤرولور. آنجاق عاييله ايچينده رول چاتيشماسي ياشانديغي زامان قادينلارين ايشدن وازگئچديكلري ده تثبيت ائديلن بير دورومدور.  

  گونوموز قادينلاري گئنلده توپلومدا تارتيشيلان ايكي دوشونجه آراسيندا قالماقداديرلار. بيرينجي گؤروشه گؤره قادينلارين بيرينجي گؤره ولري نين ياخشي بير ائش، ياخشي بير آنا اولمالاري گركديگي يؤنونده دير. ايكينجي گؤروش ايسه قادينين هر شئيه صاحيب اولمالاري گركديگيني ساوونور. بونونلا بيرليكده كوتله خبرلشمه آراجلاري و باسين سايه سينده قادينلارين داها چوخ توكتيمه اؤزنديريلديگي ده اؤنملي بير گئرچكدير. بو دا فرقلي پروبلئملري برابرينده گتيرمكده دير.  

 توركيه ادبيياتيندا دييشن قادين ايمگه سي 

  تورك ادبيياتي نين دؤنملرينه باخديغيميزدا ‘قادين’ ايمگه سي فرقليليكلر ايفاده ائتمكده دير. ديوان ادبيياتيندا قادين دايمن سويوت بير وارليقدير. ديوان شئعيرينده، قادينا گئرچك حياتدا اولمايان اؤزلليكلر يوكله نيلير. داها سونرا تنظيمات دؤنمينده ايسه عئشق و قادين سوموتلاشماغا باشلار. ثروت-اي فونون دؤنمينده قادين خسته بير وارليقدير. ميللي موجاديله دؤنمينده ايسه، ساواشان، وطن اوچون موجاديله ائدن گوجلو بير وارليقدير. 1940لي ايللرده، غريبه آخيمي ايله بيرليكده قادين سيرادان بيريدير. كوچه ده هر زامان قارشيلاشا بيله جگيميز بيريسيدير. قوصورلاري دا، گوزلليگي ده اثرلرده ايشله نيلير. 1955لي ايللردن سونرا اؤزلليكله ايكينجي يئنيجيلردن سونرا ايسه قادين ائروتيك بير ايمگه حالينا گلير.  

  جومهورييت دؤنميندن اؤنجه قادين مسله سيني اله آلان اؤنملي يازارلار آراسيندا شمس الدين سامي، نابي زاده ناظيم و رجايي زاده ماحموت اكرم و ناميق كمالي سايا بيليريك. اونلارين اثرلرينده گئنلليكله ايستانبول عاييله لرينده كي  قادينلار ايشلنميشدير. او دؤنمده يازيلان ان گئرچكچي اثر ‘قارا بيبيك’ آدلي اثردير. خاليت ضييانين رومانلاريندا دا ايستانبولداكي ائليت طبقه ده كي قادينلار اله آلينميشدير. بو قادينلارين آشيري لوكس دوشكونو اولمالاري، ميللي و معنوي دگرلردن يوخسون اولوشلاري و تورك عاييله سي اوزرينده كي  اولومسوز ائتكيلري اؤزلليكله گؤزلر اؤنونه سريلير. حؤسئين راحمي ايسه اثرلرينده داها چوخ محلله قادينلاريني، چئوره ميزده هر زامان گؤربيله جگيميز قادينلاري ايشله ميشدير. رومانلاريندا زامان زامان قادين سورونلاريني ايشلسه ده قادينين بيرچوخ يؤنويله اله آلماسي باخيميندان خاليده اديب ايسمي ديققت چكر. خاليده اديب آديوار، اثرلرينده ميللييتچي، موجاديلچي، باتيليلاشان قادين پورتره سي چكر.  

  جومهورييت دؤنمينه گلديگيميزده قادين ايمگه سي يازارلارين ان چوخ اؤنمله اوزرينده دوردوغو قونولاردان بيريسيدير. قادينين توپلوم ايچينده يئريني آلماسي، آيدين و چاغداش اولماق اوچون وئرديگي موجاديله، قادين-كيشي ايليشكيلري، قادينين جينسل يؤندن اوغراديغي باسقيلار بو دؤنم اثرلرينده ايشلنميشدير. يازارلار صاحيب اولدوقلاري ايدئولوژيك دوشونجه لره گؤره اثرلرينده بير ايمگه اولوشدورموشدولار. پيامي صافا، يعقوب كادري كيمي يازارلار رومانلاريندا توپلومدا وار اولان چاغداشليق سورونو ايله بيرليكده قادينين دئژئنره اولدوغونو آنلادير. يعقوب كادري، ‘كيراليق قوناق’ آدلي اثرينده سنيها- ني اخلاقي چؤكونتويه سوروكله ين عونصور اولاراق ‘باتيليلاشما ايستگي’ني گؤسترير. سنيها-ني قوللاناراق او دؤنمين ايستانبولون ياپايليغيني گؤسترير. بو يازارلار قادينين باتيليلاشما ايله بيرليكده يوزلاشديغيني(كورلانديغيني)، اخلاقي چؤكونتويه اوغراديغيني ساوونورلار.  

  جومهورييتين ايلك اللي ايلينده قادين بير سيلوئت دير. بير بيره ي اولماقدان زيياده بير آنا، بير ائشدير. بو دؤنم اثرلرينده قادينين نئت اؤزلليكلريني گؤره بيلمه ريك. داها سونراكي ايللرده دونيادا و توركييه ده كي  دييشيملر سونوجو قادين كؤيلو، ايشچي، آيدين، بورژووا اؤزلليكلري ايله قارشيميزا چيخار. آرتيق رومانلاردا دا سوموتلاشماغا باشلاميشدير. قاديني توم يؤنلرييله اله آلان يازارلار توپلومجو يؤنويله اؤن پلانا چيخان يازارلادير. فاكير بايكورت، ياشار كمال كيمي يازارلارين رومانلاريندا قادين دوزنه قارشي، دوغايا قارشي موجاديله ائدن بير آنا تيپي اولاراق قارشيميزا چيخار. بو قادينلار عاييله سي اوچون فداكارليق ياپان، گوجلو تيپلردير. بونونلا بيرليكده يئنه ده قادين پسيكولوژيك، سوسيولوژيك، بيره يسل اولاراق آيرينتيلي اله آلينماز.  

  سون ايللرده ايسه بو دوروم دييشمه يه باشلاميشدير. ‘اورتيم ياپيسينداكي دييشمه لر قادينلارين نه ياپديقلاري، ناسيل ياپديقلاري و بو ايشلرين دگرلنديريليب، دگرلنديريلمه ديگي سوروسو قادينلارا ايليشكين توتوم و دغر يارغيلاريندا اؤنملي گليشمه لر ياراتماقدادير. بو توتارسيزليق گون گئچديكجه چاغداش ادبيياتا دا يانسيماقدادير. اؤزلليكله سون ييرمي ايلده نزيحه مريچ، فوروزان، عدالت آغا اوغلو، سئوگي سويسال، اولكر كؤكسال كيمي يازارلار يئني شهر سويلولارين دوزه يسل ‘ساخته چاغداشچيليغين گلنكسل و ايلريجي دگر يارغيلاري نين چاتيشماسيني، كوتله توكتيمي اؤزنديرمك اوچون اوز قورنازجا گيزلنمه سيني بيلن ايده ال قادين’ سيمگه سيني سون درجه گئرچكچي بير بيچيمده آنلاتماغي و ايرده له مگي باشارميشديرلار.’ (ابادان، 1979:35)

  1973. ده ياييملانان عدالت آغا اوغلونون ‘اؤلمه گه ياتماق’ آدلي اثرده آيسل، باتيلي دگرلر ايله گلنكسل دگرلر آراسيندا قالميش بير تيپدير. فوروزاندا ايسه ايكي قادين تيپي واردير. بيرينجيسي ياخشي بير آنا اولماغا چاليشان، ديگري ايسه بدنيني بير متاع اولاراق ساتان تيپدير. آنجاق بو تيپ داها اؤنجه كي  دؤنملرده كي  كيمي اخلاقي اولاراق سورغولانماز. پيامي صافا يا دا يعقوب كادري بو تيپلري يوزلاشميش اولاراق گؤستريركن فوروزانين بئله بير قايغيسي يوخدور. قادينلاري بو ياشاما ايته له ين ائكونوميك و سوسيولوژيك ندنلر ايرده له نير. ‘قادينين يئري، كيشيليگي و ائييتيم اؤيرتيم ايمكانلاري نين چئشيدليليگي و قوطب لولوغو باخيميندان بلكي ده دونيانين ان ايلگينج اؤلكه لريندن بيري اولان بوگونكو توركييه ده بير ياندا قادين پروفسؤرلر اؤته ياندان اوخور-يازار اولمايان ائكونوميك باغيمسيزليغيني قازاناماميش قادينلار، بير ياندان اويون ماسالاريندان قالخامايان سوسيته گوللري؛ اؤته ياندا اَئيلمجي، دئوريمجي گنج قيزلار، ارككسي قادينلار، قول ائشلر… 1970لرين تورك توپلومو چوخ چئشيدلي قادين ايماژلارييلا رومانيميزدا دا يانسيماسيني بولموشدور’. (ايتاچ، 1990: 49)

  جومهورييتين ايلك ايللرينده بيره ي اولابيلمه ميش سؤنوك بير قادينلا قارشيلاشيركن سون ايللرده داها بيره ي-توپلوم چاتيشماسي ايچينده قالان، اؤزونو سورغولايان، آياقلاري اوزرينده دورماغا قرارلي بير قادين واردير. اؤزلليكله 1980 سونراسي توپلومداكي سرعت لي دييشيم ايله بو قادين ايماژي داها چوخ يايقينلاشميشدير. بو دوروم 1980 سونراسي يازيلان رومانلارداكي قادين پروفيليني بامباشقا ياپميشدير. آنجاق بو دييشن قادين پروفيلينده، قادينين آرتيق ياخشي بير آنا يا دا ياخشي بير ائش اولما دوشونجه سي ايتميشدير. بو دا توپلوم ايچينده كي  كيشي-قادين ايليشكيسي نين بويوتونو دييشديرميش، توپلومداكي عاييله قاوراميني ائتكيله ميشدير. نه اولورسا اولسون ائشي نين يانيندا هر شئيه گؤيوس گرن، اوشاقلاري اوچون هر شئيي قبول ائدن قادين پروفيليندن زيياده؛ اؤزونو تانيماغا چاليشان، اؤزونو دوشونن و آرخا پلاندا قالماغي ردد ائدن بير قادين تيپي ايله قارشي قارشييا قالماقداييق. آرتيق قادين؛ جينسلليك، پئسيكولوژيك، سوسيولوژيك، سياسي… هر يؤنويله وار اولان بير وارليقدير. بو دييشيم قادينين اؤزونو بيلمه سيني، تانيماسيني ساغلاركن فرقلي بير پروبلئمي ده برابرينده گتيرميشدير. آشيري بيره يجي حالا گلن قادين، كيشي قارشيسينداكي ‘قادينليق’ وصفيني ايتيرمگه باشلاميشدير. بو دا گوجلو، ائكونوميك باغيمسيزليغي اولان؛ آنجاق ‘يالنيز قادين’ گؤرونتوسونو اورتايا چيخارماقدادير.  

  قايناقجا  :

  آبادان، نرمين (1979)، ‘تورك توپلوموندا قادين’، تورك سوسيال بيليملر درنگي يايينلاري، آنكارا. 

  آيتاچ، گورسل (1990)، ‘تورك روماني اوزرينه اينجلمه لر’، گوندوغان يايينلاري، آنكارا. 

دوبوار، سيمون (1980)، ‘قادين، گنج قيزليق چاغي’، پايئل يايينلاري، ايستانبول. 

  چئري، باحرييه (1996)، ‘تورك رومانيندا قادين (1923-1938 دؤنمي)’، سيمورق يايينلاري، ايستانبول. 

  گرابر، گوستاو هانس (1998)، ‘قادين پسيكولوژيسي’، جم يايين ائوي، ايستانبول. 

  گول اندام، رامازان (2006)، تورك رومانيندا قادين كيمليگي، سالكيم سؤيوت يايينلار، ارضوروم. 

  دمير، ذكييه (1997)، ‘مودئرن و پوست مودئرن فئمينيزم’ ، ايز يايينجيليق، ايستانبول. 

  ميچئل، آندره (1993)، ‘فئمينيزم’، ايلتيشيم يايينلاري، ايستانبول. 

قايناق: كؤپرو درگيسي