حسين  جاويدين ايدئيالار سيستئمينده قادين آزادليغي پروبلئمي

   ائلميرا زامانووا 

  فلسفه علملري دوكتورو  

  قادين گولرسه بو ايسسيز موحيطيميز گوله‌جك، 

  سوروكلنن بشريت قادينلا يوكسله‌جك 

  آذربايجانين داهي شاعيري و موتفككيري حسين  جاويدين ياراديجيليغيندا قادين پروبلئمي، عاييله‌ده و جمعيتده قادينا موناسيبت، قادينين يئري و رولو مسله‌سي موهوم يئر توتور و بو تصادوفي دئييل. 

   " منيم تانريم گؤزلليكدير، سئوگيدير " ، دئين شاعيري آذربايجان و عوموميتله شرق قاديني‌نين آجي طالعيي دوشوندورمه‌يه بيلمزدي. دئمك اولار كي، جاويدين ائله بير اثري يوخدور كي، اورادا قادينلا باغلي بو و يا ديگر مسله‌يه توخونولماسين و بو مسله‌يه شاعير اؤز موناسيبتيني بيلديرمه‌سين. ايييرمي ايكي پيئس و يوزلرله پوئما و شئعيرلرين ياراديجيسي اولان ح.جاويدين اثرلري‌نين چوخو بيلاواسيطه قادين آدي ايله آدلانديريلميشدير. ( " آفت " ،  " مارال " ،  " شئيدا " ،  " شهلا "  و س.) جاويدين تصوير ائتديگي قادينلار موختليف ميلّتلره و زومره‌لره عاييدديرلر و بير-بيرلريندن بير چوخ جهتدن فرقله‌نيرلر. شاعير اثرلرينده موعاصير قادينلارين جمعيتده و معيشتده وضعيتي مسله‌سي‌ايله ياناشي، اوزاق كئچميشده شرق قادينلاري‌نين آغير حياتيني دا تصوير ائدير. لاكين ايستر موعاصير، ايسترسه كئچميشده ياشاميش قادينلارين تصويرينده، جاويدين عوصيانكار، باريشماز، رومانتيك روحو اؤزونو گؤسترير، اونون قادينا موناسيبتي، قادين مسله‌سي‌نين حلي ايله باغلي فيكير و دوشونجه‌لري عكس اولونور. ........

      1945-جي ايلده  آمريكا پرئزيدئنتي هارري ترومن شخصن اؤزو بو موكافاتي هايله تقديم  ائدير و اونا موراجيعتله:  " سن آلمانييا اوزرينده غلبه ميزه بؤيوك تؤحفه وئردين.  سن اولماسايدين، بيز فرانسادا موقاويمت حركاتي تشكيل ائده، آلمانلارين  هر پلانلاريندان واختيندا خبر توتا بيلمزديك. سن اولماسايدين،  ايكي جبهه نين آچيلماسيني اوغورلا  سونا چاتديرا  بيلمزديك " ، - دئميشدي.  

                  دونيادا تانينميش جاسوسلار آراسيندا قادينلار دا اؤزلرينه مخصوص ايز بوراخيبلار. اونلاردان بيري ده ويرجينييا هايل-دير..................

يازار: دنيز گوندوغان

كؤچورن: آيدا بيات 

  ادبياتدا، يازين دونياسيندا قادين ايمگه لري نين يا دا گرَك كيشيليك گرَكسه ده قادينليق قورغولاري نين اساس اولاراق داها چوخ كيشي يازارلار طرفيندن اولوشدورولدوغو گئچميش زامانلاردان بوگونه دك گؤزلمله نن بير گئرچك اولاراق قارشيميزا چيخماقدادير. بو گؤزله مه داياناراق دا يازين دونياسيندا قادين يازارلارين نئجه ليگيندن سؤز ائتمك بو باغلامدا چتين گؤرونن بير اولغو حالينا گلميشدير چوخو زامان. چونكو، آتااركيل بير ديل دوزه ني نين ايچينده ياشاماق، ادبيياتين نسنه لري اولان قادينلار اوچون آيريجا بير سورون تشكيل ائتميشدير.عاغلين اؤز اركليگي، نسنل دوغرونون اوستونلويو، نسنل گئرچكليك اوزرينده گئده رك آرتان اگمنليك، قادينلارين عاغيللا دئييل دوغا ايله اؤزدشلشديريلمه سيني ده مشروعلاشديريركن، قادينلاري ادبيياتين اؤزنه سي حالينا گلمه لريني ده گوجلشديرميشدير.............

يازان:  سيبل بايرام

كؤچورن : آيدا بيات

قادين؛ كيشي كيمي اينساني بير وارليق اولدوغو حالدا، تاريخ بويونجا چوخ فرقلي اولاراق آلقيلانميش و فرقلي تارتيشمالارين قونوسو اولموشدور. قادينا اولومسوز بير آنلام يوكله مك تاريخسل بير آنلاييشين ايپ اوجلاريني وئرير. تاريخ بويونجا بيرچوخ كولتور و گلنكده كيشي هر زامان اؤزنه، قادين ايسه اونا باغيملي بير وارليق اولاراق گؤرولموشدور. بو چاليشمادا اؤنجه تاريخ بويونجا قادينين يئري ايرده لنه جك، داها سونرا تورك ادبيياتيندا دييشن قادين ايمگه سينه يئر وئريله جكدير.  

  آچار سؤزلر: قادين، قادين حاقلاري، فئمينيزم، تورك ادبيياتي، باتيليلاشما 

  عوثمانليدا يايينلانان تورك قادين درگيلري

   توركييه ده بوگون قادينلار اوچون بير چوخ درگيلر ياينلانماقدادير.  آنجاق عوثمانلي  قادين درگيچيليگي نين گئچميشي نين چوخ زنگين اولدوغونو بيليردينيزمي؟............

 ايلك تورك قادين قزئته چي

  اتحاد و ترقي جمعييتي نين تك قادين اويه سي 

    آووستيريالي بير آنا و تورك بير آتانين قيزي اولان سئلما ريضا، عوثمانلي دؤنمينده اينتئلئلكتوال بير عاييله نين قيزي ايدي. 1877 ايلينده ايلك عوثمانلي پارلامئنتينده گؤره و آلميش اولان باباسي علي ريضا بَي، ديپلومات اولاراق گؤره و ياپتيغي آووستيريادا تانيشديغي و داها سونرا موسلومان اولان نايله خانيم ايله ائولندي. يئددي اوشاغي اولان جوتون، ان كيچيك قيزلاري اولان سئلما ريضا، اؤزل اؤيرتمنلرين دئنتيمينده درسلر آلدي و 19.يوزايلين سونلارينا دوغرو عاييله سيندن گيزلي اولاراق ايستانبولدان قاچدي و پاريسده اولان ژؤن تورك لئيدرلريندن بؤيوك قارداشي، احمد ريضانين يانينا گئتدي. 

      ائييتيميني سوربون اونيوئرسيته سينده سوردوردو. سئلما ريضا پاريسده ياشاديغي 10 ايل بويونجا عوثمانلي اتحاد و ترقي جمعييتينه اويه اولدو. بو جمعييتين تك قادين اويسي اولان سئلما ريضا، فرانسيزجا اولاراق پاريسده يايينلانان مشورت قزئته سينده و توركجه اولاراق يايينلانان شوراي امّت قزئته سينده چاليشدي. 1908 ايلينده مشروطييتين اعلاني نين آرديندان ايستانبولا دؤنن سئلما ريضا، دؤنوشوندن سونرا قزئته چي ليك ائتمه دي آنجاق، قيزيل آي-ين قورولماسي اوچون چاليشمالارا قاتيلدي. عوثمانلي هلال احمر جمعييتي اولاراق بيلينن بو قورولوشون يؤنتيمينده كي  فيكيرلر ايله همفيكير اولمايينجا 5 ايل بويونجا گئنل سئكرئتئرليغيني ائتديگي بو قورولوشدان آيريلدي. 1931 ايلينده 59 ياشيندا اؤلن سئلما ريضاين قلمه آلديغي ايكي روماني وار.  سئلما ريضا خانيم'ين 1892ده قلمه آلديغي  " اُخوت-قارداشليق " -داكي  فلاكتين ندني، اسكي بير جارييه اولان قاينانانين ائوده كي  ايقتيدار توتغوسو و ديگر جارييه لرين يئني گليني قيسقانمالاري دير. 

      قادينين كيمليك موجاديله سي نين رومانداكي ايلك تمثيلچيلري سايابيله جگيميز فاطما عالييه و سئلما ريضا خانيملارين رومانلاريندا ائييتيملي بير عوثمانلي قاديني نين خيال ائتديگي عاييله مودئليني تاپماق مومكوندور. 

قايناق: كيم كيمدير

كؤچورن : آيدا بيات 

تاريخه دامغاسيني وورموش بير قادين: لوو آندراس سالومه 

      نيچه و ريلكه نين عاشيق اولدوغو، فرويدون ياخين دوستو اولان قادين سئوگيلي و گؤزل سالومه… نيچه و پاول ري نين(Paul Rée) ائولنمه تكليفلريني رد ائده رك  اينتئللئكتوال  بيرليكده ليگي ساووندو؛ اصلن جينسل بيرليكده ليگين ياشانماديغي بير ائوليليك ياپدي. صداقتي رد ائتدي ، فرويدلا دوستلوغو اؤلنه دك سوردو. گيرديگي هر اورتامدا ائتكيلي اولدو؛ ياپتيغي و اؤيرنديگي هر شئي اوزرينه دوشوندو و يازدي. 

  بو آداملارين ياشاماغينا توخونموشلوغونون يانيندا كيمدير سالومه  ، اونلارين يانيندا اولماق ديشينداكي كيمليگي نه ايدي؟ نه دوشوندو؟ نه يازدي؟ " سيزين گئچيش دئديگينيز شئي ندير؟ اگر بونون آرخاسيندا اونون اوچون بو دونياداكي ان خارق العاده شئيي يعني اؤزگورلوگو ترك ائتمك كيمي بير آرد آماج وارسا، او زامان من هميشه گئچيشه ساپلانيپ قالماق ايسته ييرم ؛ چونكو وازگئچميرم. "  بونلاري يازديغي زامان ييرمي لي ياشلاري نين باشيندا ايدي سالومه و بو يازيسييلا او زامانلار بئله نه ايسته ديگيني آچيقجا سؤيله ييردي. تمامن اؤزگورلوك، اؤزو اوچون هئچ بير كيمسه يه، هئچ بير شئيه حساب وئرمه مك، سوركلي گئچيش ايچينده ياشاماق بليرسيز و يئني اولانا ايلرله مك.

 نيظامي نين حؤكمدار قادين صورتلري  

     نيظامي نين قلمه آلديغي تاريخي قهرمانلار و بونلارلا علاقه دار تصوير ائتديگي حاديثه لر تكجه شاعير تخييولونون محصولو اولماييب، محض مؤوجود تاريخي شخصيت و حاديثه لرين بديعي گئرچكليكله ترننومودور. ايسكندرين آذربايجانا گلمه سي، نوشابه ايله گؤروشو، شيرواندان كئچيب دربنده گئتمه سي، تورك خاقانلاري ايله ديپلوماتيك علاقه لري، صولح-دوستلوق موقاويله لري، عهد-پئيمانلاري، اورتا-آسيا، چينه سفري و ساير ده نيظامي يه معلوم اولان مؤعتبر تاريخي دليللر، حقيقتلر ايدي. و بونلاري اينكار ائتمك اوچون، هله ليك هئچ كس، هئچ بير تدقيقاتچي اورتايا توتارلي فاكت-دليل چيخارا بيلمه ييب. بو حقيقتي تصديق اوچون ايسه تاريخده كيفايت قدر دليللر واردير.

   تاريخين آخاريني دييشن قادينلار:

 هاررييئت بيچئر ستووئ

 كؤله ليگين اساسلاريني سارسيدان قادين 

   " قلمله، قيلينجين قازانديغي غلبه دن داها بؤيوك ظفرلره نايل اولماق اولار " 

هاررييئت بيچئر ستووئ

روبابه موراداووا خليل قيزي ۲۲ مارت ۱۹۳۳-جو ايلده اردبيلده آنادان اولموشدور. روبابه خانيم صابيرآباددا درام تئاتريندا تحصيل آليب. علسگر علي اكبر اوو ايسه تصادوفن اونو گؤروب باكييا فيلارمونييايا دعوت ائدير. ۱۹۵۴-جو ايلدن آذربايجان دؤولت اوپئرا و بالئت تئاتري نين سوليستي اولموشدور.   ۱۹۵۵ -جي ايلده روبابه مورادووا آ.زئيناللي آدينا باكي موسيقي مكتبيني (س. شوشينسكي نين صينفيني) بيتيرميشدير. ۱۹۷۱-جي ايلده آذربايجان س.س.ر خالق آرتيستي آدينا لاييق گؤرولموشدور. 

 اساس پارتييالاري: لئيلي ( " لئيلي و مجنون "  - او. حاجي بَيوو)، اصلي ("اصلي و كرم "  - او. حاجيبيوو)، عرب زنگي ( " شاه ايسماييل " - م.ماقومايئو)، شاه صنم ( " آشيق غريب "  - ز.حاجي بَيلي)، صنم ( " گلين قاياسي "  - ش. آخوندووا) و س. موغام، تصنيف و خالق ماهنيلاري نين ماهير ايفاچيسي ايدي.   ۱۹۷۱- نجي ايل  " شرف نيشاني "  اوردئني ايله تلطيف ائديلميشدير. 

  ۱۹۸۳-جو ايلده باكيدا وفات ائديب. 

روبابه موراد اووانين ماهنيلاريندان اؤرنكلر: (ائنديرين)

حيدربابايا سلام

آنــــاجــــــــــــان

نـــــدن اولـــــدو

اؤزگور قادين

"ايشيق" قادين آزادليغي نين بايراقداري

 قادينلار اوچون ايلك مطبوع اورقان

 روسييادا ايلك قادين نشري هله 18-جي يوزيلده كنياگينيا داشكووانين رئداكتورلوغو ايله چيخان  " Nevinnoye uprajneniya"  ( " معصوم تعليملر " ) درگيسي اولسا دا، قادين حوقوقلاريني مودافيعه  ائدن درگي -  " Soyuz jenşin"  1907-1909-جو ايللرده ايشيق اوزو گؤرموشدو. اونون يازيلاري اساسن قادينلارين سئچكي حوقوقو، جينسلرين حوقوق برابرليگينه  حصر اولونوردو. روسييا توركلري نين ايجتيماعي حياتيندا ايسه ايلك قادين درگيسي 1906-جي ايلين يانواريندا باخچاسارايدا (كيريم) نشره باشلاميشدي.  " عالمي-نيسوان "  آدي ايله چيخان بو نشرين رئداكتورو  " ترجومان "  قزئتي نين رئداكتورو ايسماييل بي قاسپرينسكي نين قيزي شفيقه خانيم ايدي. نشر بير ايل داوام ائتميش، 40-آ ياخين سايي ايشيق اوزو گؤرموشدو. بو عرفه ده عوثمانليدا قادينلار اوچون ايكي نشر - هفته ليك ايللوستراسييالي -  " قادينلار قزئته سي "  و  " نيسوان "  درگيلري چيخيردي.

ايلك تورك قادين رسساملاردان : موفيده قدري

     تورك رسمينده اؤنملي بير يئره صاحيب اولان صنعتچي؛ موفيده قدري 1889 ايلينده توركيه نين اوسكودار شهرينده آنادان اولموشدو. چوخ كيچيك ياشدا آنا و آتاسيني الدن وئريب قدري بَي طرفيندن اؤولادليغا گؤتورولموشدور. آتا – آناسي دا ائحتيمالن قدري بَيين ياخين چئوره سيندن ايميش. قدري بَي، او ايللرده ديني بيلگيسي و بؤيوك ثروتي ايله تانينان آلتوني زاده نين بوتون مال وارليغي نين گلير و گئديرحئساب ايشلرينه باخان اونلو بير شخص ايدي.  موفيده قدري نين ياخشي بير ائييتيمدن گئچمه سي اوچون چوخ چاليشميشدي .بو دوروم او ايللرين وارليقلي عاييله لرين باش ووردوغو بير يؤنتم ايدي. بو يوزدن موفيده خانيمين هئچ اوخولا گئتمه سينه گرك قالماماميشدي.داها 7-8 ياشلاريندان اعتيبارن گوزل صنعتلارين هر آلانيندا اولاغان اوستو بير يئتنگي اولدوغو اورتايا چيخان موفيده قدري نين بو يئتنكلري چئوره سينده ديققت چكير. آلديغي اؤزل ائييتيمين آرديندان 10 ياشينا گلديگينده چكديگي رسيم چاليشمالاري رسيم يئتنگي نين ده اورتايا چيخيب آنلاشيلماسيني ساغلايير.سولوبويا ايله چكديگي ايلك اثرلر گؤرنلري چوخلو شاشيرتميشدي. 

تورك ميتولوژيسينده قادين

    قادين، نسيللرين دوامي نين ساغلانماسيندا ان بؤيوك موژده چي اولاراق اينسان اوغلونون تاريخ صحنه سينه ايلك چيخيشيندان بوگونه يئريني آلميشدير. تاريخسل گليشيمين بللي آشامالاريندا خور گؤرولموش و آشاغيلانميشدير. اؤرنگين چينده اركك اوشاقلاري ايلك دوغدوقلاريندا باهالي بئزلره ساريليركن قيز اوشاقلاري اوجوز و اسكي بئزلره ساريليردي. بللي بير دؤنمه قدر خريستييانليقدا قادينلار اينجيلي الينه آلابيلمزديلر. عربلر قيز اوشاقلاريني خور گؤرور حتا كيمي زامان ديري ديري گؤمرديلر. دونيادا كي بو مؤوجود دوزه نين عكسينه تورك توپلومو قادينينا دگر وئرميش، اونا جينسلليك ديشيندا بير بيره ي كيمليگي قازانديرميش؛ قاديني مسلكداش، آرخاداش يا دا هرهانسي بير سوسيال ايليشكي نين باش مئعماري اولاراق گؤره بيلميشدير. بو صورتله اؤزونو تانييان و بيلن قادين-اركك تيپي اورتايا چيخميش و گووَن، سايقي، سئوگي باغلامينداكي كؤكلو تورك عاييله سيستئملري قورولابيلميشدير. بو دوروم يابانجي آراشديرماجيلارين دا ديقتيني چكميشدير و تورك قاديني حاققيندا بو آچيقلامالاري ياپماغا يؤنلنديرميشدير. اؤرنگين ايبن فضلان تورك قادينلاري نين، نه ائشلري نين نه ده يابانجي ارككلرين اؤنونده قاپانماديقلاريني، زينانين نه اولدوغونو بيلمه ديكلريني سؤيلر. كريزي ايسه تورك قادينلاري نين چوخ عيفتلي اولدوقلاريني وورغولايار. پلانو جارپيني توركلرين قادينلاري عيفتليدير، اونلارين آراسيندا عيفتسيزليك ايشيتيلميش دئييلدير دئير. ماركو پولو دا  ” تاتارلارين قادينلاري دونيادا ان شرفلي قادينلاردير، اونلار ائشلريني چوخ سئورلر و سايارلار. ائوليليكده ارككلرين قادينلارلا موناسبتيني گؤرمك اينساني حئيرته دوشورور “  دئير. توم بو سؤيلننلر توپلومدا قادينا يوكلنن مزييتين آچيق بير گؤسترگه سيدير. توركلر اوچون قادين آنادير، اوركده يانان سئودا قورو، گؤنولده توتوشان يار عئشقيدير. جاندير، جاناندير…

قادين حاقدا دوشونجه لر

    قادين ائله لاپ قديمدن جمعيتين اساس داياق نؤقطه لريندن بيري اولموشدور. آنا اركليك دؤورونده ايسه او خوصوصي مؤوقئعيه ماليك ايدي.ايلك  ايبتيداي اينسانلارين ييغيجيليقلا مشغول اولدوغونو گؤتورسك، بورادا دا اساس ايشين قادينلارين اوزرينه دوشدويونو نظره آلساق بو بئله دير.سونراكي دؤورلرده صينيفلشمه نين مئيدانا گلديگي دؤورلرده اينسانلارين يئني اراضيلر اله كئچيرمك ايسته يي موحاريبه لرله نتيجه له نيردي كي،بو دا بير قدر قادين مؤوقئعيني ضعيفلتمه يه باشلادي.آنا اركليك اؤز يئريني آتا اركليگه دَييشدي. 

    قادينا آيري بير فرد كيمي ياناشماق بير قدر دوزگون اولمازدي.قادين و يا كيشي دونيايا بير اينسان كيمي گلير،اونلار آراسيندا اينساني كئيفيت باخيميندان هر هانسي بير فرق قويماق دوزگون اولمازدي.قادين كيشيدن بير جينس كيمي، يعني ديشي فرد كيمي فرقله نير(ائله قادين سؤزونون آنلامي دا عكس جينس دئمكدير).فرقي يوخدور قادين يا كيشي هر ايكيسي نين اينسان كيمي فورمالاشماسي موحيط و اؤزونوتربييه دن آسيليدير.گؤتورورسن قاديني اوندا قادينليق ورديشلري سونرادان يارانير،جينس كيمي ايسه بيولوژي عاميللر وار.تدريجن ايسه او ايرثي اولاراق قارشي فرددن اؤز فرقليليگيني حيسس ائدير.ديقت يئتيرنده گؤرورسن كي،ائركن ياشلاردان اونلارين فرقلي ماراقلاري وار (قادين و كيشيده).اصلينده  ” قادين منيم دونيا گؤروشومده “  دئينده مسله يه عومومي اينسان آسپئكتيندن ياناشماماق مومكون دئييل.نه درجه ده دوزگون ياناشديغيمي دئيه بيلمرم آما بو منيمچون بئله دير. 

 آذربايجاندا قادين مطبوعاتي  

  آرزو سولطان 

     يوسيف وزير چمن زمينلي كييئودن آذربايجاندا چيخان ايلك قادين مجموعه سينه گؤندرديگي تبريك مكتوبوندا يازيردي:  ” خانيملار قزئته سي دئديكده ان اول  ” آرواد مسئله سي “  يادا دوشور.  ” آرواد مسئله سي “  ده اينسانلار اوچون حياتي و ضروري بير مسئله دير… “