پروفئسسيونال رسسامليق تحصيلي گؤرموش ايلک آذربايجانلي قادين رسسام

مارال رحمانزاده (1916-2008)

مارال يوسيف قيزي رحمانزاده 1916-جي ايل اييولون 23-ده باکيدا آنادان اولوب. 1930-1933-جو ايللرده آذربايجان دؤولت رسسامليق تئخنيکوموندا اوخويوب، 1934-1940-جي ايللرده سوريکوو آدينا موسکوا دؤولت رسسامليق اينستيتوتوندا تحصيليني داوام ائتديريب.

م.رحمانزاده موعاصير ميللي رنگکارليق مکتبي نين اينکيشافيندا يوکسک خيدمتلري اولان صنعتکارلاريميزداندير. اونون خوصوصن کلاسسيکلريميزدن نيظامي گنجوي نين، شاه ايسماعيل ختايي نين و محمد فوضولي نين کيتابلارينا وئرديگي بديعي ترتيباتلار و چکديگي ايللوستراسييالار اوخوجويا اثرلرين مضمونون اوبرازلي چاتديريلماسيندا اهميتلي واسيطه اولوب. آذربايجان قادينينا خاص گؤزلليگين، ظريفليگين و زنگين معنوي عالمين رنگلرين الوان ديلييله پارلاق ايفاده سي م.رحمانزاده ياراديجيليغي نين باشليجا خوصوصيتلريندن بيري ايدي.

رسسامين ال ايشلري لوندون، موسکوا، نيويورک، پاريس، توکيو و دونيانين ديگر شهرلري نين تانينميش موزه لرينده، رسم قالئرئيالاريندا و مؤعتبر سرگي سالونلاريندا اوغورلا نوماييش ائتديريلمکله آذربايجان بوياکارليغينا بين الخالق ميقياسدا شؤهرت گتيريب.

كؤچورن : آيدا بيات

م.رحمانزاده ميللي تصويري صنعتين اينکيشافينداکي بؤيوک خيدمتلرينه گؤره بير چوخ اوردئن و مئداللارا، او جومله دن " شؤهرت " اوردئنينه لاييق گؤرولوب. او، پرئزيدئنتين فردي تقاعودچوسو ايدي.