+0 به یه ن
دين و قادين
1. بؤلوم
دين اولقوسو ايله قادين استاتوسو آراسينداكي ايليشكي زامان زامان آچيق و دوغروسال،بعضاًده چليشكي و گرگين اولموشدور.
دين اولقوسو، ايچينده يئر آلديغي توپلومون اؤزلليكلرينه اويوم ساغلاياراق، بعضي يؤنلري دييشن بيچيمده او توپلومدا ائكلمله نير. دوغال اولاراق هانسي دين اولورسا اولسون هئچ بير دينسل دوقما باشلانقيجداكي صاف حاليني قورومور. توپلومون ماددي قوشوللاريندان قايناقلانان فرقلي اؤزلليكلرينجه دييشيمه اوغراديلير.
قادين استاتوسونه و ائشيدليگي نين گؤسترگه لرينه ايليشكين چوخ چئشيدلي تانيملار وار. هانسي توپلومسال سيستئم و هانسي گليشمه دوزه يي سؤز قونوسو اولورسا اولسون قادينين هم قاموسال هم ده اؤزل آلانداكي استاتوسونو آمال راسسام 3 بويوتونو گؤز اؤنونه آلاراق بئله بليرله يير.
آ) ايقتيدارين توپلومسال اؤرگوتلنمه سي
ب) قادين بدنيني دئنتله ين ايدولوژيك و قورومسال آراچلارين نيته ليگي
ج) توپلومداكي جينسل ايش بؤلومو و روللار ( بو تانيم قادين بدنيني دئنتله مه نين ان ائتكيلي، ايدولوژيك، قورومسال آراجلاريندان بيري اولان دين ايله قادينين استاتوسو آراسينداكي ايليشكيگي بليرگينلشديرمه سي آچيسيندان اؤنملي.)
گونوموزده قادينلارين قارشي چيخيب موجادله ائتمك زوروندا اولدوقلاري بير چوخ سورون قادين/كيشي كيمليكلري قونوسوندا توپلوم-كولتور طرفيندن بليرلنميش اؤن قبول، يارقي،توپلومسال جينسييتله ايليشكيلي. (بوراداكي جينسييت قاورامي جينسدن چوخ جينسلر آراسي ائشيتسيز گوج ايليشكيلريني بليردير.)
دين اؤزلليكله بو قاليبلارين منيمسنمه سيني، ايچسللشديريلمه سيني ساغلار. چونكو قوتسالدير. دينسل دونيا گؤروشلري ديندار يادا توپلومون تمامي نين بيلينج آلتيندا وار اولور. گونده ليك ياشاملاريني ائتكيلر. كولتورلرين دونيا گؤروشلري قادين ايمگه لريني ده ايچَرير آنجاق بو ايمگه لري يارادان قادينلار دئييل، كيشيلردير. دين اولقوسويلا قارشيميزا چيخان قادين ايمگه لريندن " لعنتلي حووا " يا دا " فيتنه يارادان " تانيملامالاري تك تانريلي دينين قاديني نئجه ده شكله سوخدوغونون قانيتيدير.
دينسل دئنتيم لاييك لشمه سورجينده داهي عاييله و جينسلليك چرچيوه سينده دؤنن بير اخلاقي سؤيلم ياراتديلار. بئلجه چوخ گوجلو ايدولوژيك سيلاح اولوشدو. اؤزلليكله كؤكدن دينچيليكده گئچرلي بير شئي چونكو قوتسال متنلر دونن واردي، يارين دا اولجاق.
تك تانريلي دينلر قادينلارا ايليشكين نورملاري وضع ائدركن ايچينده بولوندوقلاري آتا اركيل صينيفلي توپلوملاردا وارولان دَيرلري تمل آلميشديرلار. اسكي مزوپوتاميادا اورتايا چيخان بو سيستئم يئريني ساغلاملاشديرديقجا كيشيلرين قادينلاري اؤزلليكله ده قادين بدنيني دئنتله مه، اوره مه، جينسلليك خيدمتلريندن يارارلانما حاقلاريني قوروملاشديردي.
آتا اركيل اؤن قبوللر
· قادينلار يالنيزجا بييولوژيك دئييل، احتيياج، يئتنك و ايشلولري باخيميندان دا فرقليدير.
· تانري نين وئرديگي توپلومسال ايشله ولر فرقليدير.
· كيشيلر داها گوجلو و عاغيلچيدير. اگمن اولماق اوچون ياراديلميشديرلار.
· سيياسال تمثيلييت دوغال اولاراق كيشيلرده.
· قادين دويغوسال اولاراق ضعيف اولدوغو اوچون دؤولت ايشلرينده ده ديشاريدا قالمالي.
· كيشيلر راسيونل فعالييتلرده بولونور. دونياني يوروملاما، دوزنه سوخما وب..
· قادين چوجوق دوغورما، گونلوك ياشامي و تورون يئنيدن اوره مه سيني ساغلار.
· جينسلليك دئنتيمي كيشيلرده.
بو و بنزري يارقيلارين سونوجو؛ كيشيلر اؤلومسوز كولتور اورونلري ياراديرلاركن قادينلار اؤلوملو بدنلر ياراداراق داها آشاغي بير ايش ياپارلار! توم بو وارساييملار تك تانريلي دينلرين قوتسال متنلرينه اينتئقره ائديلميش دييشمزليك ساغلانميشدير.
ان باشدا آنا تانريجا واردي. (توپراق آنا)
تك تانريلي دينلره گئچمه دن اؤنجه چوخ تانريلي دينلر دؤنمينده اؤزلليكله فرقلي قادين قونوملانيشلارينا راستلانير. قادين استاتوسونون اؤنملي اولدوغو، ايكينجيلشمه ديگي، حتّي آنا اركيلليگه وارديغي دؤنملره راستلانير. بو دؤنملرده بيره ي لر و جينسلر آراسي ائشيدليك وار. بونون ندني " مولكييت " آنلاييشي نين هنوز توپلوملارا اگمن اولماماسي. اينسانليق تاريخينده گليشن، گليشديريلن آراجلار مولكييتي دوغورور، ائوجيل حئيوانلارلا تانيشيلماسي نين آرديندان بيريكديرمه سورجينه گيريلير، بير سونراكي قوشاغا آختارما ، بورجلانديرما، بورجلانما، يوخسونلوق، وارسيلليق، دنگه سيزليك و دئييشيمله يئني بير دؤنمه گيريلير.
هر اوچ دين ده قادينلارين وارولان ايكينجيلليگيني دوغايا باغلاسا دا بونون بئله اولماديغي آچيق. اؤزلليكله سابان تاريمي نين گليشمه سي و مولكييت وب. شئيلرده اولان دييشيم اينانجلاردا دا بؤيوك بير دؤنوشومه ندن اولور.
تاريخده كي آنا تانريجا دؤنمي قادين دوغورقانليغي نين قوتسانديغي دؤنم. اي.اؤ 3. مين ايلين باشيندا آنا تانريجا يئريني فيرتينا يا دا ايلديريم تانريسي كيمي بير كيشي تانرييا بوراخير او دا يئر اوزونده كرال اولاراق قارشيميزا چيخير. اي.اؤ 2000 لي ايللرده تانري قارشيسيندا قادين و كيشي هله ائشيد. (ديققت) بو دؤنمده قادين دوغورقانليغي نين گيزملي گوجو آرتيق يئريني بيلينجلي بير ياراتما ائيلمينه بوراخميشدير. (سويوتلاما دؤنمي باشلايير) يازي نين دا كشفييله سيمگه ياراتما و تك تانريلي دينه يؤنه ليشين يولو ياپيلير.
(اؤرنك. آللاه يارادير. آد قويدورور. آد قويما حاقي آدمده. قادينين آديني قويان دا آدم. سونوج؛ كيشي نين ياراتديغي قادين.) قوتسال كيتاب قادين دوغورقانليغيني تومويله يوخ سايير. قادين هر اوچ دينده ده اكيله جك بير تارلا. چوجوغو يارادان قادين دئييلدير، يارادان، توخومو ايچينه قوياندير. ايسلامييتده تانري يارادان اولاراق مئتافوريك بير بيچيمده " كيشي " بيچيمينده ايفاده ائديليركن، خيريستييانليقدا تانري بابا شكلينده دوغرودان سؤيلمله شير. يئراوزونده كي گوناهين و ايضطيرابين قايناغي خيريستييانليقدا و يهوديليكده ايلك جينسلليك گوناهي ايشله ين و جنّتدن قووولان حووا اولاراق بليرله نير. حووا ايكينجيليگه محكوم چونكو سوچلو. قوراندا ديگرلريندن فرقلي اولاراق باشدان چيخاريجي بير حووا ايمگه سي يوخ. آدمين ائشي اولاراق گئچير هئپ. جنّتدن قووولما سوروملولوغو دا هر ايكيسينه ده عايد بير سوروملولوق. هر ايكيسي ده شئيطانا يئنيك دوشدولر. سونرا آدم تؤوبه ائتدي و آللاه بو تؤوبه ني قبول ائتدي. ايشده بو نؤقته دا قادينلا ايلگيلي حيكايه نين سونو بير معما اولاراق قالير. حيكايه نين سونو بيلينمز. (حووا تؤوبه ائتدي مي، ائتمه دي مي آللاه نه دئدي وب.. سورولار جوابسيزدير قوراندا) قوراندا قادينين نئجه ياراديلديغينا داير ده چليشكيلي ايفاده لر واردير. قوراندا قادينين كيشي نين قابيرغاسيندان ياراديلديغينا ايليشكين بير بيلگي يوخدور آما بو بيلينمز آنجاق اَيري قابيرغادان ياراديلديغينا ايليشكين پئيغمبر حديثلري واردير و بو هركسجه بيلينير.
2. بؤلوم
- ايسلامييت 7. يوز ايلده اورتايا چيخدي.
- زامانلا پوليتيك توپلوم (اوممت) اولاراق اگمنليك قوردو.
- ايسلامييت ديگر دينلرين چيخديغي توپراقلاردا اورتايا چيخميش اولسا دا اؤز اؤزل قوشوللارينا صاحيب. (دين/دؤولت ايچ ايچه، دوقمانين چيخيش بيچيمي پئيغمبره ديكته ائتديريلديگي دوشونولدويوندن هر سؤيلم دوغرودان آللاه كلامي قبول ائديلير)
- موسلمان عاييله، عرب عاييله سي نين ايسلامي اخلاق سينيرلاري ايچريسينده يئنيدن ياراديلماسي. (اوتوريتئر، باباسويلو، آتا اركيل)
- بير بوتون اولاراق قادينين رولو كيشيلرينكينه گؤره ايكينجيل. (اؤرنك. تانيقليقدا 1 كيشي=2 قادين، ميراث = قادينينكي كيشينكي نين ياريسي وب. )
- ايسلام يالنيزجا بير اينانجلار بوتونو دئييل، دوغال اولاراق بير دوزن.
- ايسلامدا ياسا قاورامي سون درجه اوتوريتئر. چونكو ايراده سي تانريسال. ياسانين (شريعتين) تاپدالانماسي يالنيزجا دوزنه قارشيتليق دئييل، تانرييا قارشيتليق، دينسل ايطاعتسيزليك ساييلير. ياپديريمي دا دينسل جزايا قالير. بو قونودا هرهانسي بير دييشيكليك اؤنريسي كوفر ساييلير. (اؤرنك، بنگلادئشلي يازار تسليمه نسرينين ايسلام توپلوموندا قادين كيشي ائشيدليگينه ايليشكين رئفورم اؤنريسي شيددتلي موخاليفلرله قارشيلاشير.
- ايسلام ديگر ايكي ديندن فرقلي اولاراق دينسل اولكويه ياسا پايه سي وئرير و بئلجه تئوكراسي قورماق ايسته يير.
- خليفه سئچيلمه نين 2 يولو وار. عرب و كيشي اولماق. بورادا عربليك ايشينه بؤيوك قارشي چيخيش اولدو، بو اوغوردا جان وئريلدي آما كيشي قيسمينا كيمسه قارشي چيخمادي.
- قرار آلما مئكانيزمالاريندان ديشلانان قادينلار، يارديمجي اولان كيشيلر.
- قادين دئنتيمي نين ان سيمگسل ايفاده سي اؤرتونمه. بو دوروم قادين تجريدي نين سونو. جينسلرين بير آرادا اولماماسي گركديگي وارساييميندان قايناقلي وار اولان دوروم.
- ايسلامييت اؤنجه سينده قيز چوجوقلاري اؤلدورولور، ائش سئچمه ده كيشيلره سينيرسيز اؤزگورلوك تانينيردي. (بو قونويلا ايلگيلي عكسينه ايديعالار وار. ايسلام اؤنجه سينده عرب توپلوملاريندا قادين يؤنتيجيلرين اولدوغو حتتا نبييه دئيه تانيملانان قادين پئيغمبرلرين اولدوغو بيلينير) ايسلامييتدن سونرا بونلار قالديريلدي دئيه ياخشيلاشديريلدي يارقيسي، يانليش بسيط بير اينديرگم(ساده لشديرمه). محمدين قادينلارا ياخشي داورانما ندني نين ايسلام اؤنجه سي قادينين ائتكيسينه باغلايانلار وار. ايسلامي ايلك قبول ائدن قادين. پئيغمبر ائشي اولان خديجه نوفوذلو و ياييلمادا ائتكيلي بير ايسم.
- ايسلامييت قادين جينسلليگي، بدني اوزرينه، چوجوق اوزرينده كي حاقلارين قادينين اؤزوندن و قابيله سيندن آلينيب ائولنديگي كيشييه و قابيله سينه كؤچوررك ائوليليگين يئني تانيميني بو مولكييتچي كيشي حاقي اوزرينه اينشا ائده رك جينسلر آراسينداكي ايليشكيلري يئني بير تمل اوتورتدو. عؤمر زامانيندا زينا داشلا جزالانديريليردي. جامي و حج زيارتي قادينلارا ياساقدي. عوثمان زامانيندا قادينلارين ديره نيشي و گليشمه لر اولدو. آما سونرادان گوجلشنن عؤمرينكيلر اولدو.
- ايسلامدا كيشي اوممتين ساوونوجوسو اولدوغو اوچون قاديني جزالانديرما حاقينا دا صاحيب.
- قادينلار اورتيجي دئييل، توكتيجي. ار، قادينين گئچيميني ساغلاماقلا يوكوملو. ار آروادينا باخميرسا قادين طرفيندن بوشانابيلير. آنجاق قادين ايطاعتسيزليك ائتدييسه ار طرفيندن نققه اؤدنمه يه بيلير.بعضي ايسلامي يازارلار بو نؤقته ده كيشييه بير يوك، قادينا بير حاق گتيريلميش اولدوغونو سؤيليه رك ايسلامدا قادين حاقلاري نين اؤنملي اؤرنگي سايارلار. اويسا بو حاق قادينين باغيملي، ائديلگن و توكتيجي قونومونو گوجلولشديرير. ايطاعت ائتمه ين قادينا جزا دا حاق اولور.!
- عشق قاورامي ايسلامييتده آللاه اوچون سؤيلنه گلير. عربجه ده عشق قارشيليغي گلن 50 كلمه اولماسينا راغمن جوت سؤزجويو بولونماماقدا. ايسلامييتده قادين كيشي عشقي تعريفي يوخ، آللاها اورتاق قوشماق ساييلير. كيشي نين چوخ ائشليليگي سايه سينده بير قادينا يؤنلمه سي انگلله نير. چوخ ائشليليك پارچالادير دوغابيله جك عشق يا دا سئوگيني.
- ايسلامييتده جينسل حض اؤنملي. خيريستييانليقدا حض آرانمير. اوره مه يه يؤنه ليك خيريستييانليقدا جينسلليك.
- ايسلامييتده جنّتته هوريلرين وارليغي بير كيشي فانتئزيسي اولاراق قارشيميزا چيخير.
ايستر عرب ياريماداسيندا اولسون ايستر اسكي يوناندا اولسون كيشي فانتئزيسي هئپ عئيني. قادينين كيشي نين اؤز الييله بيچيملنديرديگي جان وئرديگي يعني اؤزگور ايراده دن و اؤزنلليكدن يوخسون تومويله كيشي دئنتيمي آلتينداكي بير گالاتئا (روما ميتولوژيسينده پيگماليون آدينداكي قبريس كرالي نين مرمردن ياپديغي قادين هيكلي نين آديدير گالاتئا.) اولماسي!
3. بؤلوم
ايسلامييتين بدنه ياناشماسي
بدنسل وارولوشون هر يؤنو هم دينسل هم ده ائروتيك سؤيلملرله گئنيش بير ايسلامي ليتراتورده يئر آلير. موسلمان دين آداملاري بؤيوك بير جيدييتله بدنسل آرزو، عشق و قادين تئمالاريني ايشله يير. خيريستييانليغين ترسينه ايسلامييت جينسللييه اؤنم وئرن بير تاوير ايچريسينده.
ايسلامدا قاموسال سؤيلملر كيشيلر طرفيندن اورتيلير چونكو قاموسال آلانا اونلار اگمندير. اورتودوكس ايسلامي سؤيلم اؤز بير حوقوق سؤيله مي اولاراق تانيملار و قادينين يئري، بدني نين نيته ليگي، ايشلوي، آرزونون دئنتيم آلتينا آلينماسي قونولاريندا ياسال/حوقوقسال بير سؤيلم اولوشدورور. بو سؤيلم كيشي تانريدان، كيشي جينسيندن آيريجاليقلي كيشيلر ياني پئيغمبرلر آراجيليغييلا سسله نير.
ايسلامي ائورنده قادين كيشيني دويوما اولاشديرماق اوچون ياراديلميش بير ذؤوق نسنسيدير. ( " قادينلار سيزين تارلانيزدير، تارلانيزي ديله ديگينيز كيمي اكين " ) (آتا اركيل سؤيلمدن قايناقلانان)بعضي ايسلامي يازارلار جينسل ذؤوقون هر ايكي جينس اوچون ده وارولدوغونو سؤيلرلر. ايسلامييتده حودودلارين تاپدانماسيني انگلله مك آماجييلا چئشيدلي بيچيملرده سؤيلملر گليشديريلميشدير. (اؤرنك. زينا ني انگلله مك اوچون مكاني دئنتله ين، ائوه تجريد ائديلميرسه ديشاريدا اؤرتون وب.. ) اؤرتونمه (حيجاب) قاوراميني فاطيمه مرنيسسي 3 بويوتدا اله آلميشدير.
- گؤرسل بويوت ( ايشلوي، باخيشدان گيزله مك)
- مكان بويوتو ( جينسلري بيربيريندن تجريد)
- اخلاقسال بويوت (ياساق، حرام اولان )
فاطيمه مرنيسسي اؤزلليكله گؤرسل بويوتو كريتيك بولور. ندن باخانين دئييل باخيلانين اؤرتونمه يه زورلانديغيني، قيسيتلانديغيني آنلاماق چوخ مومكون گؤرونمور. بو دوروم اگمنليك ايليشكيسي باغلاميندا اله آلينا بيلر. (تاجيز ائدن دئييل ائديله نين قيسيتلانماسي، يارقيلانماسي)
ايسلامي ليتئراتورده قادينين نئجه اولماسي گركديگي، يئري نين نئجه اولماسي گركديگينه ايليشكين ده برك بير قافا پاتلاتيلميش. ديگر دينلرين ده فرقلي اولماديغي بير گرچك طبيعي. اؤرنگين اسكي يوناندا " ان ياخشي قادين آز گؤرونن قادين " . باتي توپلوملاريندا دا چوخ قونوشان قادينين جادي اولاراق آدلانديريليب يانديريلديغيني دا اونوتماماق گره كير. ايسلامييتده قادينين قاموسال آلانا بير شكيلده سيزماسي قييامت گؤسترگه سي ساييلير. ايراندا گولن قادينا جزا اويقولانماسي بونون ان بسيط اؤرنگي. كيشي اوممتي قوروماقلا گؤرولي، قادين بدني نين بكچيسي. كيشي دوغورقانليغيندان، جينسلليكدن قايناقلي اونوردان يوخسون قاديني دئنتلير. كيشيني باشدان چيخماسي نين سوروملوسو قادينين اؤزو. (بو دوروم يالنيزجا ايسلاما اؤزگو دئييل) بعضي ايسلامي يازارلار (جيهان آكتاش) قادينين ندن ائوه قاپاتيلديغيني سورغولور. ائوه قاپاديلاجاقسا ندن حيجابا احتيياج اولدوغونو سورور آنجاق ندن قادينين فيتنه ياراتديغي سورونساليني سورغولامير.! ايسلامي چرچيوه ايچينده قالديغي سورجه ده سورغولاماسي مومكون گؤرونمور. آنجاق ايلاهي دوزه ني سورغولاميش اولور.
4. بؤلوم
ايسلامي حركت 80 لي ايللرده يوكسه ليشه گئچميشدير. ايسلامي حركت بير كيشي حركتي اولماسينا قارشين سون 15 ايلدير توركييه ده كي ايسلامي حركته دامغاني قادينلار باسميشدير. ان بويوك چيله ني چكنلر يئنه قادينلاردير.
تورك ايسلام قادين ايليشكيسي ايله ايلگيلي يازيلانلاردا " ايسلامدا قادين سورونو يوخدور " ياناشماسي اگمندي. بو يازيلار گئنلليكله بعضيلري تاخما قادين ايسملري قوللانان آچيق گؤز كيشي يازارلارين قلملريندن چيخما. مؤوجود حاديثه لرده، آيتلرده قادين فيتنه، فساد، كيشييه باغيملي، آنجاق ياخشي بير آنا و ائش ايسه لر بير تاخيم حاقلارا صاحيبلر. ايسلامييتده اؤرنك موسلمان اولما رولو هئپ قادينا دوشموشدور. ديندار قادينلار هئپ موكممل اولماق زوروندا حيسس ائتديلر اؤزلريني.
ايسلامجي قادين يازارلاردان هيدايت شفقاتلي توكسال (ياپيلان بير رؤپورتاژين اؤزتيدير.)
· نه دنلري سورغولور.
· قادينين حياتا حوكمن مغلوب باشلاديغيني دوشونور.
· قادينين اؤزنه دئييل نسنه اولدوغونو دوشونور.
· ايسلامييتده كي چوخ ائشليليك قونوسوندا بونون يالنيزجا بورايا اؤزگو بير شئي دئييل باتي توپلوملاريندا دا اؤزگورلوك آدينا ياپيلديغيني سؤيله يير.
· جننتين ندن باشقالاري نين الينده اولدوغونو سورور.
· توپلانتيلاردا، ايشده ائشيد ايليشكي قورولان كيشي نين ندن ائوده رئيس اولدوغونو سورغولور.
· قوراندا گئچن داياق مشروع لوغونون او دؤنمه اؤزگو اولدوغونو بوگون ياپيلماماسي گركديگيني دوشونور.
· اؤرتونمه قونوسوندا، سيستمين اؤرتولو قادينلاري چيزديگيني حتّي حركتين ايچينده كي كيشيلري بئله چيزديگيني دوشونور.
توركييه ده اؤزلليكله قادينلارلا ايلگيلي اَييليملري " ايسلامدا قادين سورونو يوخدور " باخيشي نين بايراقدارليغيني قادينلار ياپماغا باشلادي.(اؤرنك. امينه شنليك اوغلو بو قونودا ان كيشيجي باخيشا صاحيب) ديرنمه ين، ديرنمه ين، سورغولامايان قادينلار، ائييتيملي ائنتئلئكتوئل قادينلار اولوشدو.
1987 ايلينده ايسلامچي فئمينيستلر ايلك كز آچيقدان يازيلارييلا وار اولدولار. او دؤنم زامان قزئته سي عالي بولاچ واسيطه سيله بؤيوك بير قارالاماغا گيريشدي. ( جينسل ساپقينليق ، اينسان تورونون سون وب. قاوراملارلا ولوله يه وئردي اورتاليغي بولاچ) ايسلامجي كيشيلر قادينلارين اؤز سورونلارينا صاحيب چيخماسيندان هئپ اوركدولر. فئمينيستلشمه احتيمالي اؤنونه گئچمك اوچون تدبيرلر آلديلار. بونلارين آراسينا قادينلار دا قاتيلدي. توركييه دكي فئمينيست كامپلاشمادا يئر ائدينمه دي ايسلامجي فئمينيستلر. (كماليست فئمينيستلر، سوسياليست فئمينيستلر، سيويل توپلومجو فئمينيستلر) ايسلامچي قادين يازارلاردان مواللا گولناز فئمينيستلرله ايليشكي ايچينده ايدي. گولنازا گؤره ايسلامدا ائشيد حاقلار وار. اصيل سيخينتي آتا اركيللشمه ده دئيير. ماركسيست آناليزه ياخين اولدوقلاريني، توپلومداكي هييرارشيك و چيخار ايليشكيلري نين دينه يؤن وئرديگيني اونايلاديقلاريني بليردير. آتا اركيل گؤزلوكلر قيريليرسا قورانين آنلاشيلاجاغي دوشونور.
ايسلامي حركتين ايچينده يئر آلان قيزلارين چارپيقليقلاري چؤزمه ديكلري بير گئرچك. سورون باش اؤرتوسونه كيليدلنميش دورومدا. اصلينده حركتين ايچينده چوخ داها جيدي كريزلر وار. كاپيتاليزمين يانسيمالاري ايسلامي حركتده آچيقجا گؤروله بيلير. (زنگينلَشن، بورژووالاشان كيشيلر وب.. ) بو دوروم قادينلارين آغير بدللر اؤدمه سينه ندن اولور.
توركييه ده ايستانبول بياضيت ائيلمييله ايلك باش اؤرتوسو ائيلمي ياپيلدي. عئيني زاماندا بو دوروم ديندار قادينلارين دا ايلك دفعه كوچه يه تؤكولمه سييدي. هر تورلو حاق طلبيني آنارشي و تئرؤر اولاراق تانيملايان ايسلامي حركت ديندار قيزلاريني كوچه ده گؤرمه نين شوكونو ياشاديلار. 1989 ايلينده بو دوروما ان سرت تپكي ذاتن فتحوللاه گولندن گلدي. تورباني ساده جه دينين اوچون تاخيرام دئين قادينلار اؤنجه ويجدانلارا سسلندي ايش توتمايينجا اينسان حاقلاري چرچيوه سينده دَيرلنديريب جبهه ني گئنيشلتمه ني اومدو. بير سوره سونرا ائيلملر كيشيلر دئنتيمينده ياپيلماغا باشلاندي. بوگون توركييه ده حركتين گلديگي دوروم، بورژووالاشان موسلمانلار، سول ايله اورتاقلاشمالار، سيستئمله باش باشا بوراخيلان قادينلار…. ائولره حبس ائديلن قادينلار بوگون كيشيلرين گؤزتيمينده قادين قوللاري و جماعتلرده بوي گؤسترمه يه فرقلي بير چپرده وارولما ساواشي وئريرلر.
قايناق:خالق ائولري
كؤچورن : آيدا بيات
