ميللي قهرمان آديني آلميش آذربايجان قاديني: سالاتين عسگرووا 

عسگرووا سالاتين عزيز قيزي 1961-جي ايل باکيدا ضيالي عاييله سينده دوغولموشدور.1979-جو ايلده باکي شهري م.موشفيق آدينا 18 سايلي اورتا مکتبي بيتيرميش ائله همين ايل آذربايجان دؤولت نئفت و  کيميا اونيوئرسيتئتينه داخيل اولموشدور.سونرالار ژورناليست کيمي فعاليت گؤسترميشدير.وطنيني سئون و چوخ وطنپرور بير اينسان اولان سالاتين عسگرووا اصل تورک قادينين آدينا لاييق جسارت،مردليک،هونر و غئيرت نومونه سي گؤستره رک وطني نين دار گونونده ائرمني ايشغالچيلارينين تؤرتديکلري وحشيليکلري دونيايا بيان ائتمک اوچون قاراباغا يوللانير.1991-جي ايل يانوارين 9-و لاچيندان شوشايا يوللانارکن يولون 6-جي کيلومئترليگينده کي قالا دره سي  کندي ياخينليغيندا ائرمني سيلاحلي قووولرينين موحاصيرسينه دوشموش،اولدوغو ماشين ياخين مسافه دن شيددتلي آتشه توتولموشدور.نتيجده ايستعدادلي ژورناليست، "  "MOLODYOJ AZERBAYDJANA قزئتينين امکداشي و  ان نهايت آذربايجانين قئيرتلي،ناموسلو،مردليک گؤسترميش قهرمان قيزي آمانسيزجاسينا قتله يئتيريلميشدير.  

  عاييله لي ايدي،بير اوغلو وار.  

  آذربايجان رئسپوبليکاسينين پرئزيدئنتينين 6 نويابر 1992-جي ايل تاريخلي 294 سايلي فرماني ايله عسگرووا سالاتين عزيز قيزينا اؤلوموندن سونرا  " آذربايجان رئسپوبليکاسي نين ميللي قهرماني "  آدي وئريلميشدير.باکي شهرينين شهيدلر خيابانيندا دفن ائديلميشدير.باکي شهرينده آدينا بير کوچه وار.باکي بوختاسينداکي گزينتي کاتئرلريندن بيري اونون آديني داشييير.ياشاديغي بينايا خاطيره لؤوحه سي وورولوب.ياخينليغيندا هلاک اولدوغو کند  " سالاتين کند "  آدلانير.آللاه رحمت ائله سين..