سابيها گؤكچن دونيانين ايلك قادين ساواش اوچاقچيسي

    اديرنه دفترداري اولان باباسي حافيظ عيزت بئي، ” ژؤن تورك ” اولدوغو گركچه سييله بورسايا سورولدو. بورسا ويلايت باش كاتيبي اولان حافيظ عيزت بئي ايله حايرييه خانيمين قيزلاري سابيها، 22 مارت 1913ده بورسادا دونيايا گلدي. آنا و آتاسيني كيچك ياشدا الدن وئرن  و قارداشي طرفيندن بؤيودولن  سابيها، 1925 ده هله 12 ياشيندا ايكن ، اؤزونو ائولري نين ياخينيندا هونكار كؤشكونده قوناق اولان دؤنمين جومهور باشقاني  آتاتوركه يئتيريب اوخوماق ايسته ديگيني اونا چاتديرميشدي.

   آتاتورك، قارداشيندان ايذين آلاراق ، چتين قوشوللار  آلتيندا ياشايان سابيهاني اؤولادليغيا گؤتوره رك آنكارايا آپارير.

  سابيها، چانكايا ايلك اوخولو، آرناووت كؤي آمريكا قيز كولئژي و اوسكودار آمريكا قيز كولئژينده ائيتيم گؤردو.

  1934ده سوي آدي قانونون چيخماسيندان سونرا آتاتورك اونا گؤكچن سوي آديني وئردي. بو سوي آدي وئريلديگينده هله هاواچيليقلا ايلگيسي يوخ ايدي

  هاواجيليق ايله  تانيشماسي  

  سابيها گؤكچن، 1935ده تورك قوشونون آچيليش تؤره نينده ياپيلان پلانؤر گؤستريلريندن ائتكيلنه رك هاواجيليغا ايلگي دويدو. آتاتوركون ده دستك وئرمه سي ايله 1935ده تورك هاوا قورومونون تورك قوشو سيويل هاواجيليك اوخولونا گيردي، آنكارادا يوكسك پلانؤرجولوك برؤوه لريني آلدي.  

  گؤكچن، يئدي اوغلان اؤيرنجييله بيرليكده كيريما گؤندريله رك آلتي آيليق يوكسك پلانؤرجولوك ائيتيميني كوكتئبل يوكسك پلانؤر اوخولوندا تاماملادي. او موسكووايا موتورلو اوچاق اوخولونا گئتمه يي پلانلاييردي. آنجاق معنوي قيزقارداشي زهرانين اؤلوم  خبريني آلينجا بو دوشونجه دن وازگئچه رك اؤلكه سينه دؤندو.  

  بير سوره دونيايا كوسن سابيها، آتاتوركون ايصرارلاري ايله يئنيدن چاليشمالارا باشلادي. اسكي شهير هاواجيليك اوخولوندا اؤزل اوچوش ائيتيمي آلدي. 25 شوبات 1936دا ايلك دفعه موتورلو اوچاق ايله اوچماغا باشلادي  

    ” دونيانين ايلك قادين ساواش پيلوتو “  عنوانيني آلماسي  

  گؤكچنين، اوچوش ائيتيمده گؤسترديغي باشاريلاردان دولايي، آتاتورك بيله سينه بونلاري سؤيله ميشدي:      ” مني چوخ موتلو ائتدين… ايندي آرتيق سنين اوچون پلانلاديغيم شئيي آچيقلايا بيله رم… بلكي ده دونيادا ايلك عسكري قادين پيلوت اولاجاقسان… بير تورك قيزي نين دونياداكي ايلك عسكري قادين پيلوت اولماسي نه ايفتيخار ائديجي بير اولايدير، تخمين  ائدرسن دئييل مي؟ ايندي درحال حركته گئچه رك سني اسكي شهيرده كي طياره  مكتبينه گؤندره جگم. اورادا اؤزل بير ائيتيم گؤره جكسن  “   

      او ايللرده قيزلار عسكري اوخوللارا آلينماديغي اوچون اؤزل بير اونيفورما گئيديريله رك اسكي شهير اوچوش اوخولوندا، 1936-1937 دؤنمينده 11 آي بويونجا اؤزل ائيتيم آلدي. گؤكچن، برؤوه سيني آلديقدان سونرا اسكي شهيردكي 1. هاوا آلاييندا 6 آي گؤره و ياپدي، بو سيرادا تراكيا و ائگه مانورالارينا قاتيلدي.  

  1937 ييليندا تونجه لي حركتينه  قاتيلان گؤكچن، بو حركتده كي  رولو ايله دونيانين ايلك قادين ساواش پيلوتو اولدو. تونجه لي دؤنوشو، جومهورباشقاني، باشباخان و گئنل قورماي باشقاني نين دا قاتيلديغي بير تؤرنله بيله سينه تورك هاوا قورومو ايفتيخار ميدالي وئريلدي. 30 آغوستوس 1937ده عسكري اوچوش برؤوه سي آلدي.  

  بالكان تورو  

  1938ده اوچاغي ايله 5 گون سورن بالكان تورو ياپان گؤكچنين اونو بو تورلا دونيايا ياييلدي. آنكارادا بولونان بالكان پاكتي هيئتي  اويه لري نين سابيها گؤكچن ايله تانيشديقدان سونرا بيله سينه  اوچاقلا باشكنتلرينه گلمه يي اؤنرمه لري اوزرينه بو تور فيكري دوغموشدو. گؤكچن، آتاتوركون آرزوسو اوزرينه بو تورو يانينا بير ماكينيست داهي آلمادان، تك باشينا گئرچكلشديردي.  

  وولته تيپي بير اوچاقلا ايستانبولدان هاوالانديقدان سونرا آتينايا آرديندان سوفيا و بلگرادا گئتدي. بيله سينه يوگوسلاو گئنل قورماي باشقاني طرفيندن  ” بياض كارتال “  نيشاني وئريلدي. ايستك اوزرينه بوكرشده بير گؤستري اوچوشو ياپديقدان  سونرا 6. گون اولان 22 حضيراندا ايستانبولا دؤندو. بو بالكان تورو، باسي نين بويوك ايلگيسيني اويانديرميش، هر يئرده گؤيلرين قيزي اولاراق آنيلماسينا ندن اولموشدور.  

    معنوي باباسي آتاتورك اؤلدوكدن سونرا حياتيني يئنيدن دوزنه سوخان گؤكچن، قادينلارين اوردودا گؤره و ياپماسينا ايليشكين ياسا چيخماديغي اوچون اوردودان آيريلدي و تورك قوشو اوچوش اوخولونا باش اؤيرتمن تعيين ائديلدي. 1955ه قدر بو گؤره ويني باشارييلا سوردوردو. تورك هاوا قورومو يؤنتيم قورولو اويسي اولدو. حياتي بويونجا توپلام 22 دگيشيك خفيف بومبارديمان و آكروباتيك اوچاقلا اوچموشدو.  

  گؤكچن، 1940 ايلينده  هاوا اوخولوندا عسكري جوغرافيا و توپوقرافيا اؤيرتمني اوستئيمن كمال اسينر ايله ائولندي و ائشينه اؤز سوي آديني وئردي؛ آنجاق اوچ ييل سونرا، 12 اوجاق 1943ده ائشيني الدن وئردي.

     1953 و 1959دا دعوت  ائديلديگي آمريكا  تورك توپلومو و تورك قادينيني تانيتماق آماجييلا گئدن گؤكچن اوچون بؤيوك بير آمريكا تورو دوزنلنميشدير. سون اوچوشونو 1996دا 83 ياشيندا ايكن فرانسيز پيلوت دانيل آكتون ائشليگينده فالكون 2000 اوچاغي ايله ياپميشدير.  

      1996دا هاواجيليك كارييئري نين ان بؤيوك اؤدولونو آلميشدير. آمريكا هاوا قورماي كولئژي نين مأذونييت تؤره ني ايچين دوزنلنن قارتاللار توپلانتيسي نين اونور قونوغو اولاراق قاتيلديغي ماكسوئل هاوا تؤرنينده  ” دونيا تاريخينه آديني يازديران 20 هاواجيدان بيري “  سئچيلدي. بو اؤدوله لاييق گؤرولن ايلك و تك قادين هاواجي اولدو.  

      سابيها گؤكچن 2001 ايلينده، تام دوغوم گونونده (22 مارت) گولهانه عسكري طيب آكادميسينده اؤلدو. 

كؤچورن : آيدا بيات