ايلك تورك قادين رسساملاردان : موفيده قدري

(Müfide Kadri)

     تورك رسمينده اؤنملي بير يئره صاحيب اولان صنعتچي؛ موفيده قدري 1889 ايلينده توركيه نين اوسكودار شهرينده آنادان اولموشدو. چوخ كيچيك ياشدا آنا و آتاسيني الدن وئريب قدري بَي طرفيندن اؤولادليغا گؤتورولموشدور. آتا – آناسي دا ائحتيمالن قدري بَيين ياخين چئوره سيندن ايميش. قدري بَي، او ايللرده ديني بيلگيسي و بؤيوك ثروتي ايله تانينان آلتوني زاده نين بوتون مال وارليغي نين گلير و گئديرحئساب ايشلرينه باخان اونلو بير شخص ايدي.  موفيده قدري نين ياخشي بير ائييتيمدن گئچمه سي اوچون چوخ چاليشميشدي .بو دوروم او ايللرين وارليقلي عاييله لرين باش ووردوغو بير يؤنتم ايدي. بو يوزدن موفيده خانيمين هئچ اوخولا گئتمه سينه گرك قالماماميشدي.داها 7-8 ياشلاريندان اعتيبارن گوزل صنعتلارين هر آلانيندا اولاغان اوستو بير يئتنگي اولدوغو اورتايا چيخان موفيده قدري نين بو يئتنكلري چئوره سينده ديققت چكير. آلديغي اؤزل ائييتيمين آرديندان 10 ياشينا گلديگينده چكديگي رسيم چاليشمالاري رسيم يئتنگي نين ده اورتايا چيخيب آنلاشيلماسيني ساغلايير.سولوبويا ايله چكديگي ايلك اثرلر گؤرنلري چوخلو شاشيرتميشدي. 

      موفيده قدري خانيم،دؤنمين رسساملاري ايچينده اؤنه چيخان و ماليك آكسل طرفيندان ايلك قادين رسسام اولاراق دگرلنديريلن بير صنعتچيدير. قيسا سورن حياتينا باخديغيميزدا موفيده قدري نين يوغون بير رسيم حياتي اولدوغو گؤرولمكده دير. بو دوروم آتا – آناسيني كؤرپه ياشدا الدن وئرمه سي  سونوجوندا رسمه سيغينديغيني گؤسترير. 

      بير راستلانتي سونوجو موفيده قدري نين رسيملريني گؤرن دؤنمين موزه مودورو و بؤيوك رسسام عوثمان حمدي بَي گؤردوكلرينه اينانابيلمه ميش و اونا يانيندا رسيم چكديرير.عوثمان حمدي بَي قدري بَيينده عاييله دوستو اولدوغوندان اونا اؤزل دگر وئرمه يه باشلار واؤز تؤوصيه سي ايله بير سوره ده خليل پاشادان درس آلير. عوثمان حمدي چوخ باشاريلي گؤردويو موفيده خانيمين بو يئتنگي آكادئمي نين ايتاليان اصيللي پروفسورو والري طرفيندان دا تقدير ائديلير. موفيده خانيم بير سوره  پروفسور والري دن ده سولوبويا و قارا قلم درسلري آلير. موفيده نين بير رسمينه قارما بير سرگيده يئر وئريلير و رسيم گؤرنلرين ايلگيسيني چكير. داها سونرا عوثمان حمدي بَي تشويقلري سونوجو بير باشقا رسمي آلمانيادا سرگيله نير، اورادا ايلگي گؤرور و بير اؤدول قازانير. اؤدول اولاراق قازانيلان آلتين مئدال معاريف نظارتي كانالييلا ائوه قدر گؤندريلير و بو اولاي بؤيوك ايلگي اويانديرير. بو سرگيدن قازانديغي آلتين مئدال رسيم صنعتينده داها بؤيوك بير توتقويلا يؤنلمه سينه يول آچير. 

      موفيده قدري نين رسيم آلانينداكي باشاريلاري و اوستون يئتنگي اونا رسيم اؤيرتمنليگي يولونو آچير. فرانسيزجا قونوشان، دوغو و باتي ادبيياتي اوزرينده زنگين بيلگيسي اولان و رسيم چكن موفيده قدري نومونه مكتبلرينه بير ايله قدر رسيم درسلري وئرير. داها سونرادا سوليمانييه ده “نومونه-اي اناث” آدلي قيز اوخوللاريندا رسيم، ناخيش و موسيقي اؤيرتمنليگي ائدير. (رسميده اولدوغو قدر موزيكده ده باشاريلي اولموشدور. عود، كمان و كمانچا چالماغين يانيندا بسته لرده بسته له ميشدير. سؤزلري صلاح الدين بَي عايد اولان ” طنين شباب “  آدينداكي بسته سي دؤنمينده اونلو صنعت درگيلرينده يايينلانميشدير.) بو سيرادا 2.عبدالحميدين قيزي عاديله سولطانا سارايدا رسيم درسلري وئرير. 

      موفيده قدري، 1912 ايلينده 22 ياشيندا ياشاميني ايتيرير. اؤلومو اوزرينه دؤورون كولتور آغيرليقلي قزئته و درگيلرينده دويغوسال يازيلار يايينلانير. ياخين قوهومو، اونلو موزيسين رئوف يئكتا بَي طرفيندن قاراجا احمدده كي  مزارينا اؤزل بير مزار داشي دوزه ديلميشدير. 

      اؤلوموندن سونرا ياخينلاري موفيده قدري نين گئريده قالان 40 دولايينداكي رسميني، سرگيله نيب ساتيلماق اوزره عوثمانلي رسساملار جمعييتينه وئرير. رسيملر 1912ده سرگيلندي الده ائديلن گلير جمعييته باغيشلاندي. رسيملرين بعضيلاري آلمانلار طرفيندن ساتين آليندي. موفيده قدري دن قالان چوخ آز رسيم ده اؤزلليكله قادين پورتره لرينده مودئلين فيزيك ياپيسي قدر ايچ دونياسيني ديشا وورماقدا باشاريلي بير يول ايزله ديگي گؤرولور. 

كؤچورن : آيدا بيات